दसरा मेळाव्यावरून परतणाऱ्या शिंदे गटाच्या बसला अपघात! २५ जण जखमी

नवी मुंबई- मुंबईतून शिवसेनेच्या शिंदे गटाचा दसरा मेळाव्या वरून परतणाऱ्या बसला मुंबई - नाशिक महामार्गांवर अपघात झाला. या अपघातात २५ जण जखमी झाले आहेत.  

हा अपघात मुंबई-नाशिक महामार्गावर शहापूर तालुक्यातील कळंभे गावाजवळ पहाटे ३ वाजता झाला. या अपघातात २५ जण जखमी झाले आहेत. या जखमींवर शहापूर येथील उपजिल्हा रुग्णालयात उपचार सुरु आहेत.

तीन वाहनांचा अपघात झाल्याने बस पलटी झाली. अपघातग्रस्तांना लगेच रुग्णालयात दाखल केले. पोलीस आणि नागरिकांनी मदतकार्य करुन महामार्ग वाहतुकीस मोकळा केला. 

शिवसैनिकांचा सांगलीतही झाला अपघात

काल दसरा मेळाव्यासाठी निघालेल्या शिंदे गटातील कार्यकर्त्यांच्या वाहनाचा अपघात झाला आहे. या अपघातात एकाचा मृत्यू तर तिघेजण जखमी झाल्याची माहिती समोर आली आहे. 

रत्नागिरी-नागपूर महामार्गावर कवठेमहांकाळ तालुक्यातून जात असताना हा अपघात झाला. एका ट्रकने पाठिमागून कारला धडक दिली. यामुळे हा अपघात झाला. या कारमध्ये युवा सेनेचे पदाधिकारी होते, अशी माहिती समोर आली आहे.