कोपरखैरणे एमआयडीसीमधील कंपनीला आग

आगीमध्ये कोणाला दुखापत झाल्याचे अद्याप स्पष्ट नाही.

नवी मुंबई : कोपरखैरणे एमआयडीसीमधील प्रिंटिंग कंपनीला आग लागल्याची घटना घडली आहे. आगीमध्ये कोणाला दुखापत झाल्याचे अद्याप स्पष्ट नाही. मात्र आगीत मोठ्या प्रमाणात पेपर व इतर साहित्य जळत असल्याने आगीचा भडका उडाला आहे. 

तर पेपर व इतर साहित्य यापासून मोठ्या प्रमाणात धूर निघत असून तो परिसरात पसरला आहे. आग वीजवण्यासाठी एमआयडीसी व महापालिकेचे बंब घटनास्थळी दाखल झाले आहेत. त्यांच्याकडून आग विजवण्याचा प्रयत्न सुरु आहे.