CoronaVirus News in Navi Mumbai : नवी मुंबईत ५८ नवीन रुग्ण; शहरात १६ कोरोनामुक्त,दोघांचा मृत्यू

CoronaVirus News in Marathi and Live Updates : तुर्भे व घणसोली परिसरात दोघांचा मृत्यू झाला आहे. कोरोनाबळींची संख्या ४७ झाली आहे. मृतांचा आकडा रोज वाढत असल्यामुळे चिंता व्यक्त केली जात आहे.

नवी मुंबई : नवी मुंबईमध्ये गुरुवारी ५८ नवीन रुग्ण आढळले असून रुग्णांची संख्या १,४२२ झाली आहे. तर, दोघांचा मृत्यू झाला असून१६ जण कोरोनामुक्त झाले आहेत.नेरुळमध्ये १४, कोपरखैरणेत १३, ऐरोलीत ९, तुर्भे व घणसोलीमध्ये प्रत्येकी ५, व बेलापूर, वाशी, दिघा विभागात प्रत्येकी ४ रुग्ण आढळले. सर्वाधिक ३१९ रुग्ण तुर्भे सानपाडा परिसरात असून सर्वांत कमी ५७ रुग्ण दिघा विभागात आहेत. १६ रुग्ण कोरोनामुक्त झाले असून बरे झालेल्यांची संख्या ५४८ झाली आहे.तुर्भे व घणसोली परिसरात दोघांचा मृत्यू झाला आहे. कोरोनाबळींची संख्या ४७ झाली आहे. मृतांचा आकडा रोज वाढत असल्यामुळे चिंता व्यक्त केली जात आहे.पनवेलमध्ये दोघांचा मृत्यूपनवेलमध्ये गुरुवारी २५ नवे रुग्ण आढळले. यात १३ पालिका हद्दीत तर १२ ग्रामीण भागातील आहेत. दोन रुग्णांचा मृत्यू झाला आहे. मृत्यू झालेल्या रुग्णामध्ये कळंबोलीतील ६५ वर्षीय व कामोठेमधील ४५ वर्षीय नागरिकाचा समावेश आहे.