ह.भ.प. बाबा महाराजांचा नवी मुंबईत समाधी सोहळा

नवी मुंबईमधील निवासस्थानी बाबा महाराज सातारकर यांचे २६ ऑक्टोबरला निधन झाले. तेव्हापासून नेरूळमधील विठ्ठल-रुक्मिणी मंदिरामध्ये रोज भजनाचे आयोजन केले होते.  

नवी मुंबई : ह.भ.प. बाबा महाराज सातारकर यांची समाधी नेरूळमधील विठ्ठल रुक्मिणी मंदिरामध्ये उभारली आहे. बुधवारी महंत नामदेव शास्त्री महाराजांच्या उपस्थितीमध्ये तिचे पूजन करण्यात आले. 

नवी मुंबईमधील निवासस्थानी बाबा महाराज सातारकर यांचे २६ ऑक्टोबरला निधन झाले. तेव्हापासून नेरूळमधील विठ्ठल-रुक्मिणी मंदिरामध्ये रोज भजनाचे आयोजन केले होते.  

मंदिराच्या गाभाऱ्यात महाराजांची समाधी तयार केली आहे. समाधीचे पूजन करण्यात आले. या सोहळ्याला राज्यभरातून भक्तगण उपस्थित होते. ह.भ.प. भगवतीताई महाराजांचे कीर्तन झाले. 

 महंत नामदेव शास्त्री महाराजांनी भगवतीताई बाबा महाराजांच्या उत्तराधिकारी असतील, असे यावेळी जाहीर केल्याची माहिती महाराजांच्या कुटुंबीयांचे निकटवर्ती शिवराम पाटील यांनी दिली.