कुडूस येथे मुलाची हत्या

विशाल रामराज भारती (८) या अल्पवयीन मुलाची गळा दाबून व दगडाने ठेचून हत्या केल्याची घटना मंगळवारी कुडूस येथे घडली. लैंगिक अत्याचार करून ही हत्या केल्याचा संशय पोलिसांनी व्यक्त केला आहे.

वाडा : विशाल रामराज भारती (८) या अल्पवयीन मुलाची गळा दाबून व दगडाने ठेचून हत्या केल्याची घटना मंगळवारी कुडूस येथे घडली. लैंगिक अत्याचार करून ही हत्या केल्याचा संशय पोलिसांनी व्यक्त केला आहे.
लक्ष्मीनगर भागात रामराज रामकिशोर भारती हा कुटुंबासह राहतो. त्याचा आठ वर्षाचा मुलगा विशाल हा मंगळवारपासून बेपत्ता झाला होता. तो सापडला नाही, म्हणून त्यांनी तक्रार नोंदवली होती. पोलिसांना आज सकाळी त्याचा मृतदेह लक्ष्मीनगरच्या मागील बाजूस गवतात रक्तबंबाळ अवस्थेत सापडला.
गळा दाबून व दगडाने ठेचून त्याला ठार मारले होते. काल सायंकाळी संशयित आरोपी अजय बन्सल उर्फ टुनटुन याच्या बरोबर विशाल असल्याचे नातेवाईकांनी बघितले असल्याने अजय याला पोलिसांनी ताब्यात घेतले असून गुन्ह्याचा अधिक तपास वाडा पोलीस ठाण्याचे पोलीस निरीक्षक रविंद्र नाईक करीत आहेत. (वार्ताहर)