कार्यालयातील वादातून एकावर हल्ला

सीबीडी रेल्वेस्थानकाच्या इमारतीमधील कॉम्प्युटर ऐज मॅनेजमेंट सर्व्हिसेस नावाच्या खासगी कंपनीतील कर्मचाऱ्यांमध्ये सोमवारी संध्याकाळी हा प्रकार घडला आहे.

नवी मुंबई : आपसातील भांडणात मध्यस्थी केल्याच्या रागात एकावर जीवघेणा हल्ला झाल्याचा प्रकार घडला आहे. या प्रकरणी सीबीडी पोलीसठाण्यात एकाविरोधात गुन्हा दाखल करण्यात आला आहे. यामध्ये हल्ला झालेल्या व्यक्तीच्या डोक्यावर व शरीरावर जखमा झाल्या आहेत.

सीबीडी रेल्वेस्थानकाच्या इमारतीमधील कॉम्प्युटर ऐज मॅनेजमेंट सर्व्हिसेस नावाच्या खासगी कंपनीतील कर्मचाऱ्यांमध्ये सोमवारी संध्याकाळी हा प्रकार घडला आहे. त्यामध्ये कंपनीच्या एका कर्मचाºयाने दुसºया कर्मचाºयावर दगडाने हल्ला करून ठार मारण्याचा प्रयत्न केला. अक्षय शिंगारे असे जखमी कामगाराचे नाव आहे. याच कंपनीतील कामगार श्रीकांत यादव याचे सहकारी महिलेसोबत भांडण सुरू होते. त्यात शिंगारे याने मध्यस्थी करून भांडण मिटवण्याचा प्रयत्न केला. यानंतर यादव हा त्या ठिकाणावरून निघून गेला होता. संध्याकाळी कार्यालय सुटल्यानंतर यादव याने शिंगारेला फोन करून रेल्वेस्थानकासमोरील पार्किंगमध्ये भेटण्यास बोलावले. त्यानुसार कार्यालयात झालेल्या वादावर चर्चा करून तो मिटवण्यासाठी शिंगारे व इतर सहकारी त्या ठिकाणी गेले.

या वेळी श्रीकांत यादव याने शिंगारे याला आमच्या भांडणात मध्ये का पडलास याचा जाब विचारत झटापट केली. यावरून दोघांमध्ये भांडण झाले असता, यादवने रस्त्यावरील दगडाने शिंगारे याच्या डोक्यात तसेच शरीरावर वार केले. त्यामध्ये अक्षय शिंगारे रक्तबंबाळ झाला असता, यादवने तिथून पळ काढला. यानंतर शिंगारेला जखमी अवस्थेत सीबीडीच्या खासगी रुग्णालयात दाखल करण्यात आले.