खांदा कॉलनीतील मैदानावर वाहनतळ

खांदा कॉलनी सेक्टर २ मध्ये जॉगिंग पार्क व मैदान विकसित करण्यात आले आहे. या मैदानावर अनधिकृतपणे

पनवेल : खांदा कॉलनी सेक्टर २ मध्ये जॉगिंग पार्क व मैदान विकसित करण्यात आले आहे. या मैदानावर अनधिकृतपणे खासगी वाहने उभी केली जात असल्याने नागरिकांनी नाराजी व्यक्त करण्यास सुरुवात केली आहे.
या ठिकाणी क्रि केटचे मैदान व जॉगिंग ट्रॅक उभारणीला एकीकडे सुरुवात केली असताना या खासगी वाहनचालकांनी या मैदानावरती स्वत:चा कब्जा केला आहे. येथील रहिवाशांनी सिडको, तसेच स्थानिक पोलिसांकडे यासंदर्भात कारवाई करण्याची मागणी केली आहे.
सेक्टर २ परिसरात शांती निकेतन शाळादेखील आहे. वाहतूक पोलीस तसेच सिडकोने
ही वाहने हटवून येथील रहिवाशांसाठी ही जागा मोकळी करून द्यावी, अशी मागणी होत आहे. (प्रतिनिधी)