Video : पनवेलमध्ये सलमान खानने चालवली रिक्षा, सुरक्षा रक्षकांनी मोकळा केला रस्ता

अभिनेत्री जिनिलियाने सलमानसोबत डान्स करतानाचा एक व्हिडीओ शेअर केला आहे. सध्या सोशल मीडियावर त्यांच्या या व्हिडिओची जोरदार चर्चा सुरू आहे.

ठळक मुद्देसलमानचा आणखी एक व्हिडिओ व्हायरल झाला आहे. त्यामध्ये, सलमानने चक्क ऑटोरिक्षा चालवल्याचे दिसून येते.  

मुंबई - बॉलिवूडचा भाईजान सलमान खानचा 27 डिसेंबरला वाढदिवस झाला. पनवेलमधील फार्म हाउसवर मोजक्या लोकांच्या उपस्थितीत सलमानने आपला वाढदिवस साजरा केला. इतर अनेक बॉलिवूड कलाकारांनीही सोशल मीडियाद्वारे सलमानला वाढदिवसाच्या शुभेच्छा दिल्या. तर, सलमानच्या पनवेल फार्म हाऊसवरही अनेक बॉलिवूड सितारे जमले होते. अभिनेत्री जिनिलिया डिसूजासोबतच सलमानचा एक व्हिडिओही व्हायरल झाला. त्यामुळे, सलमानच्या वाढदिवसाची चांगलीच चर्चा रंगली. आता, सलमानचा आणखी एक व्हिडिओ व्हायरल झाला आहे. त्यामध्ये, सलमानने चक्क ऑटोरिक्षा चालवल्याचे दिसून येते.  

अभिनेत्री जिनिलियाने सलमानसोबत डान्स करतानाचा एक व्हिडीओ शेअर केला आहे. सध्या सोशल मीडियावर त्यांच्या या व्हिडिओची जोरदार चर्चा सुरू असतानाच आता सलमानने पनवेल्या रस्त्यावर चालवलेल्या ऑटोरिक्षाच्या व्हिडिओची सोशल मीडियावर धूम पाहायला मिळत आहे. मानव मंगलानी या इंस्टा अकाऊंटवरुन सलमान खानने रिक्षा चालवल्याचा व्हिडिओ शेअर करण्यात आला आहे. त्यामध्ये, रात्रीच्यावेळी सलमान रिक्षा चालवताना दिसून येतो. सलमानला रिक्षा चालवताना पाहून चाहत्यांनी गर्दी केल्याचंही दिसत आहे. तर, सलमानाची सिक्युरिटी टीम आजूबाजूच्या लोकांना बाजूला हटवत रस्ता मोकळा करताना दिसते. 

View this post on Instagram

A post shared by Manav Manglani (@manav.manglani)

वाढदिवशी सलमानला सर्पदंश

पनवेलच्या फार्म हाउसवर पार्टी दरम्यान सलमानला सर्पदंश झाला होता. तातडीने त्याला रुग्णालयात दाखल करण्यात आले होते. पण, साप बिनविषारी असल्यामुळे मोठा अनर्थ टळला. सलमानने मीडियाला सांगितल्यानुसार, सलमान सापाला फार्म हाउसच्या बाहेर टाकत होता, तेव्हा सापाने सलमानच्या हाताचा तीनवेळा चावा घेतला.