मुंबई एपीएमसीमधील तीन कर्मचारी निलंबित; बाजार समितीमध्ये खळबळ

सचिव पी एल खंडागळे यांनी ही कारवाई केली असून यामुळे बाजार समितीमध्ये खळबळ उडाली आहे.

नवी मुंबई: मुंबई कृषी उत्पन्न बाजार समितीमधील  शौचालय घोटाळाप्रकरणी तीन कर्मचा-यांना निलंबित करण्यात आले असून यामध्ये एक उपसचिवांचा समावेश आहे.

फळ मार्केट मधील शौचालय गैरव्यवहार प्रकरणी काही दिवसांपूर्वी गुन्हा दाखल करण्यात आला आहे. गुन्हा दाखल झालेल्यांमध्ये ठेकेदार,  बाजार समिती कर्मचारी व एक संचालकाचा समावेश आहे. गुन्हा दाखल झालेल्यांपैकी उपसचिव विजय शिंगाडे व कर्मचारी दर्शन भोजनकर,  विलास पवार यांच्यावर मंगळवारी निलंबनाची कारवाई करण्यात आली. सचिव पी एल खंडागळे यांनी ही कारवाई केली असून यामुळे बाजार समितीमध्ये खळबळ उडाली आहे.