VIDEO : भाजपा नगरसेवकाचा मनसे कार्यकर्त्यावर जीवघेणा हल्ला

हल्ल्याची घटना सीसीटीव्ही कॅमेऱ्यात कैद झाली आहे.

पनवेल : पनवेल महापालिकेतील भाजपा नगरसेवक विजय चिपळेकर यांनी काल रात्री 12 वाजता मनसे कार्यकर्ते प्रशांत जाधव यांच्यावर जीवघेणा हल्ला केला. आठ ते दहा गुंडांसोबत स्वतः नगरसेवक विजय चिपळेकर यांनी प्रशांत जाधव यांच्यावर हल्ला केला. हल्ल्याची घटना सीसीटीव्ही कॅमेऱ्यात कैद झाली आहे.

प्रशांत जाधव यांच्यावर हल्ला केल्यानंतर विजय चिपळेकर आणि त्यांचे गुंड साथीदार फरार झाले आहेत. शिवाय गुन्हा नोंद होऊ नये यासाठी स्थानिक कामोठे पोलीस स्टेशनवर दबाव आणत असल्याचे समजते. या हल्ल्यात प्रशांत जाधव गंभीर जखमी झाले आहेत.

वैयक्तिक कारण पुढे करत मनसेवर असलेल्या रागामुळे भाजपा नगरसेवक विजय चिपळेकर यांनी प्रशांत जाधववर जीव घेणा हल्ला केला आहे. 29 एप्रिलला असलेले मतदान संपल्यानंतर नियोजनबद्ध पद्धतीने हा हल्ला केला आहे, अशी प्रतिक्रिया मनसे वाहतूक सेनेचे उपाध्यक्ष आणि प्रशांत जाधव यांचे भाऊ महेश जाधव यांनी दिली आहे.