ऑनलाइन लोकमत
लंडन, दि. 13- टीम इंडियाचा कॅप्टन विराट कोहली जसा त्याच्या अफलातून खेळीमुळे प्रसिद्ध आहे तसाच तो अनुष्कासोबतच्या रिलेशनशिपमुळेसुद्धा चर्चेत आहे. विराट आणि अनुष्का दोघंही कार्यक्रमांना, एअरपोर्टवर एकत्र दिसतात. अर्थातच त्यावेळी सगळ्यांच्या नरजा त्या दोघांवर असतात.. आता पुन्हा एकदा विराटने अनुष्कासोबतच्या काही स्पेशल गोष्टी सांगून सगळ्यांचं लक्ष वेधलं आहे. एका मुलाखती दरम्यान विराटने अनुष्काविषयी आणि तिच्याबरोबर घालवलेल्या वेळेविषयी दिलखुलास गप्पा मारल्या आहेत.
"मैंने कभी सोचा नहीं था ये दिन आएगा… वो आया अँण्ड आय एबल टू शेअर विथ हर…" असे उद्गार टीम इंडियाचा कॅप्टन विराट कोहलीने बॉलिवूड स्टार अनुष्का शर्मा हीच्या बद्दल काढले आहे. यां दोघांच्या लव्ह अफेअरविषयी आपण गेल्या काही वर्षांपासून ऐकतो आहे. पण दोघांनीही अजूनही आपल्या प्रेमाची कबुली दिलेली नाही. आयसीसीच्या एका मुलाखतीत विराट अनुष्काविषयी दिलखुलास बोलला आहे. विराटच्या या वाक्यातूनच दोघांमधलं स्वीट रिलेशन दिसून येतं आहे.
आजपर्यंत आपल्या रिलेशनबद्दल कुठेही न बोलणारा विराट अखेरीस अनुष्काबद्दलच्या नात्यावर बोलला. अनेक अडथळ्यांमधून विराट आणि अनुष्काचं नातं कसं घट्ट होत गेलं, हे स्टार स्पोर्टसच्या एका मुलाखतीत विराटने सांगितलं आहे.
‘मेलबर्नमध्ये कसोटी मालिकेदरम्यान मला टीमचा कॅप्टन बनवल्याची घोषणा करण्यात आली, तेव्हा अनुष्का माझ्यासोबतच होती. तो क्षण माझ्यासाठी अतिशय खास होता’ असं सांगत विराटने अनुष्काचं खूप कौतुक केलं. यासंदर्भातील एक व्हिडिओ ‘स्टार स्पोर्टस’ने युट्यूबवर शेअर केला आहे. 52 सेकंदच्या या व्हिडीओमध्ये विराटने अनुष्कासोबतच्या खास क्षणांना उजाळा दिला. प्रत्येक चांगल्या-वाईट प्रसंगात अनुष्का सोबत होती आणि आहे. हे माझ्यासाठी नेहमीच ग्रेट फील देणारं आहे, असंही तो म्हणाला.
आजवर क्रिकेट आणि बॉलिवूडमध्ये अनेक जोड्या जमलेल्या आपण पाहिल्या आहेत. पण विराट आणि अनुष्काने आपली मैत्री, प्रेम, वैयक्तिक आयुष्य वेगळ्या पातळीवर नेऊन ठेवलं, ज्यामुळे त्यांचं नातं आजपर्यंच अधिक घट्ट झालं आहे.
स्टार स्पोर्ट्सने शेअर केलेला हा व्हिडिओ सोशल मीडियावरसुद्धा चांगलाच गाजतो आहे. तसंच हे दोघं आता कधी लग्न बंधनात अडकणार या विषयीची चर्चासुद्धा जास्त रंगायला लागली असेल.
आणखी वाचा