मेलबोर्न : वेगवान गोलंदाजांच्या अचूक माºयानंतर कारकिर्दीतील अखेरचा वन-डे सामना खेळणारा कर्णधार मायकल क्लार्कच्या आकर्षक अर्धशतकी खेळीच्या जोरावर आॅस्ट्रेलियाने रविवारी अंतिम सामन्यात न्यूझीलंडचा १०१ चेंडू व ७ गडी राखून पराभव करीत पाचव्यांदा आयसीसी क्रिकेट विश्वकप स्पर्धेत जेतेपदाचा मान मिळवला. मिशेल जॉन्सन, जेम्स फॉल्कनर व मिचेल स्टार्क यांच्या अचूक माºयाच्या जोरावर आॅस्ट्रेलियाने अंतिम लढतीत न्यूझीलंडचा डाव ४५ षटकांत १८३ धावांत गुंडाळला. १९८३ च्या विश्वकप स्पर्धेत भारताने वेस्ट इंडिजविरुद्ध अंतिम लढतीत १८३ या धावसंख्येचा यशस्वी बचाव केला होता, पण न्यूझीलंडला आज इतिहासाची पुनरावृत्ती करता आली नाही. आॅस्ट्रेलियाने ३३.१ षटकांत ३ गड्यांच्या मोबदल्यात १८६ धावांची मजल मारत जेतेपदाला गवसणी घातली. मायदेशात जेतेपद पटकावणारा आॅस्ट्रेलिया दुसरा संघ ठरला आहे. आॅस्ट्रेलियाने यापूर्वी १९८७, १९९९, २००३ आणि २००७ मध्ये विश्वविजेतेपद पटकावले आहे. क्लार्कने चॅम्पियन म्हणून वन-डे आंतरराष्ट्रीय क्रिकेटमधून निवृत्ती स्वीकारली. अंतिम सामन्यानंतर वन-डे क्रिकेटमधून निवृत्ती स्वीकारणार असल्याचे क्लार्कने यापूर्वीच जाहीर केले होते. आॅस्ट्रेलिया संघ झळाळत्या चषकासह ३९ लाख ७५ हजार डॉलर्स पुरस्काराचा मानकरी ठरला; तर न्यूझीलंड संघाला १७ लाख ५० हजार डॉलर्स पुरस्कार राशीवर समाधान मानावे लागले. २०११ मध्ये जेतेपद पटकावणारा भारत मायदेशात विजेतेपद पटकावणारा पहिला संघ ठरला होता. यासाठी आॅस्ट्रेलिया संघाला आज मोठ्या लक्ष्याचा पाठलाग करावा लागला नाही. आॅस्ट्रेलियाची सुरुवात निराशाजनक झाली. लक्ष्याचा पाठलाग करताना आॅस्ट्रेलियन खेळाडूंवर कसलेच दडपण जाणवले नाही. क्लार्कने १२ व्या षटकात ग्लेन मॅक्सवेलला पाचारण केले. त्याने गुप्तिलला माघारी परतवत कर्णधाराचा विश्वास सार्थ ठरवला. विलियम्सनची संघर्षपूर्ण खेळी जॉन्सनने संपुष्टात आणली. त्यानंतर इलियट व टेलर यांनी डाव सावरला. टेलरला फॉल्कनरने तंबूचा मार्ग दाखवीत ही भागीदारी संपुष्टात आणली. त्यानंतर न्यूझीलंडचा डाव गडगडला. कोरी अ‍ॅण्डरसन (०), ल्यूक रोंची (०) व व्हेटोरी (९) यांना छाप सोडता आली नाही. जॉन्सन (३-३०), फॉल्कनर (३-३६) व स्टार्क (२-२०) यांचे योगदान उल्लेखनीय ठरले. त्यानंतर क्लार्क (७४), स्टिव्हन स्मिथ (नाबाद ५६) आणि डेव्हिड वॉर्नर (४५) यांनी आॅस्ट्रेलियाला सहज लक्ष्य गाठून देताना अंतिम लढतीत रंगतदार या शब्दाला स्थान मिळू दिले नाही. न्यूझीलंडतर्फे उपांत्य फेरीतील स्टार ग्रँट इलियटने ८२ चेंडूंमध्ये ८३ धावांची खेळी केली, पण त्याला दुसºया टोकाकडून अपेक्षित साथ लाभली नाही. किवी संघाचे सात फलंदाज १० षटकांत ३३ धावांत तंबूत परतले.
> एमसीजीवर तेंडुलकरचा जलवा सचिन तेंडुलकरच्या हातात आता बॅट नसली तरी या महान क्रिकेटपटूच्या लोकप्रियतेत किंचीतही कमी झालेली नाही़ आॅस्ट्रेलिया आणि न्यूझीलंड यांच्यात झालेल्या वर्ल्डकपच्या फायनलदरम्यान क्रिकेटपटूंनी मोठ्या उत्साहात सचिनचे मैदानात स्वागत केले़ आॅस्ट्रेलियाने या लढतीत बाजी मारल्यानंतर समारोप समारंभात तेंडुलकर हे सर्वात मोठे नाव होते़ जेव्हा हा वरिष्ठ खेळाडू मैदानावर आला तेव्हा उपस्थित हजारो प्रेक्षकांनी टाळ्यांच्या गजरात त्याचे स्वागत केले़
> विश्वचषक स्पर्धेत अर्धशतक उपांत्य व अंतिम सामन्यात सलग अर्धशतक झळकावण्याची कामगिरी एकूण ६ फलंदाजांनी केली. ग्रँट एलियट आणि मायकल क्लार्क यांनी अशी कामगिरी करताना अनुक्रमे पाचवे व सहाव्या फलंदाजाचा मान मिळवला. याआधी अशी कामगिरी माईक ब्रेरली (१९७९), डेव्हिड बून (१९८७), जावेद मियांदाद (१९९२) आणि अरविंद डीसील्व्हा (१९९६) यांनी केली आहे. > चॅम्पियन बनवून नायकाचा अलविदा आॅस्ट्रेलिया संघ‘नायक’ मायकल क्लार्क याने पाचव्यांदा टीमला विश्वचॅम्पियन बनवून ९३ हजार प्रेक्षकांच्या उपस्थितीत स्वप्नवत वन-डे कारकिर्दीला अलविदा केला़ क्लार्कने २४५ वन-डे सामन्यांत ७,९८१ धावा बनविल्या आहेत. त्यात ८ शतके आणि ५८ अर्धशतकांचा समावेश आहे़
> मालिकावीर : आॅस्ट्रेलियाच्या सर्वाधिक विकेट घेणारा मिचेल स्टार्कने ८ डावांत २२४ धावा देत एकूण २२ विकेट घेतल्या. या स्पर्धेत त्याची उत्कृष्ट कामगिरी न्यूझीलंडविरुद्ध २८ धावांत ६ विकेट अशी होती.
> जेम्स फॉल्कनर अंतिम लढतीत सामनावीर पुरस्काराचा मानकरी ठरला. त्याने या लढतीत मोक्याच्या क्षणी तीन बळी घेतले.
> सर्वाधिक धावा न्यूझीलंडच्या मार्टिन गुप्तिलने या स्पर्धेत ९ डावांमध्ये सर्वाधिक ५४७ धावा केल्या. यात वेस्ट इंडिजविरुद्ध नाबाद २३७ धावांची खेळी केली होती. त्याने एकूण दोन शतके व एक अर्धशतक केले. त्याने ५९ चौकार व १६ षटकार ठोकले आहेत.