मेलबोर्न : भारताचा दुहेरीतील खेळाडू रोहन बोपण्णा आणि कॅनडाचा त्याचा साथीदार डॅनियल नेस्टर याला आॅस्ट्रेलियन ओपनच्या पुरुष दुहेरीत सातवे तर लिएंडर पेस आणि दक्षिण आफ्रिकेचा त्याचा जोडीदार रावेन क्लासेन यांना दहावे मानांकन देण्यात आले आहे.सिडनीत एपिया इंटरनॅशनलचे विजेतेपद जिंकणाऱ्या बोपण्णा आणि नेस्टर यांची सलामीची लढत मार्कोस बागदातिस आणि मारिंको मातोसेविच यांच्याविरुद्ध होणार आहे.आॅकलंड येथे हीनकेन ओपनचे विजेतेपद जिंकणारा पेस आणि क्लासेन यांची पहिल्या फेरीतील लढत स्कॉट लिपस्की आणि राजीव राम या अमेरिकन जोडीविरुद्ध होणार आहे.महेश भूपती आणि आॅस्ट्रियाचा त्याचा जोडीदार जर्गेन मेलजर यांना कोणतेही मानांकन देण्यात आले नाही आणि त्यांची लढत अमानांकित डियगो श्वार्टजमॅन व होरासियो जेबालोस यांच्याविरुद्ध होईल. पुरुष एकेरीत युकी भांबरी भारताचा एकमेव खेळाडू आहे. महिला दुहेरीत सानिया मिर्झा आणि चीन तैपईची तिची जोडीदार सु वेई सीह यांना दुसरे मानांकन देण्यात आले आहे. ही जोडी अर्जेंटिनाच्या मारिया इरिगोएन व स्वित्झर्लंडच्या रोमिना ओपेरँडी यांच्याविरुद्ध दोन हात करेल.(वृत्तसंस्था)
बोपण्णा-नेस्टरला सातवे मानांकन
By admin | Published: January 19, 2015 3:14 AM