बंगळुरू : विजय हजारे चषक क्रिकेट स्पर्धेत दिल्लीचा कर्णधार गौतम गंभीर याच्यासमोर झारखंडचा स्टार खेळाडू तथा भारतीय एकदिवसीय क्रिकेट संघाचा कर्णधार महेंद्रसिंह धोनी याचे तगडे आव्हान असेल. झारखंडने सहापैकी पाच सामन्यांत विजय मिळविला असून, ते गट ‘ब’मध्ये अव्वल स्थानी राहिले आहेत. तर दुसरीकडे, दिल्लीनेदेखील सहापैकी पाच सामन्यांत विजय मिळविला आहे. मात्र, ब गटात सरस धावगतीच्या आधारे दिल्ली दुसऱ्या स्थानी असून विदर्भ पहिल्या स्थानी आहे. बाद फेरी असल्याने या सामन्यांत विजय मिळविणारा संघ उपांत्य फेरी गाठेल. सध्या दिल्ली क्रिकेट संघटनेत वाद सुरू असून, संघटनेतील पदाधिकाऱ्यांवर भ्रष्टाचाराचे आरोप होत आहेत. या वादाचा काहीसा परिणाम संघावर होऊ शकतो. केंद्रीय अर्थमंत्री अरुण जेटली यांच्यावर भ्रष्टाचाराचे आरोप करण्यात आल्यानंतर त्यांच्या पाठीशी गंभीर ठामपणे उभा रहिला आहे. या स्पर्धेत कर्णधार गंभीर याने आत्तापर्यंत फारशी प्रभावी कामगिरी केलेली नाही.
गौतमला धोनीचे ‘गंभीर’ आव्हान
By admin | Published: December 23, 2015 1:19 AM