कश्यप, सिंधू उपांत्यफेरीत

भारताची अव्वल बॅडमिंटन जोडी पी. कश्यप आणि पी. व्ही. सिंधू यांनी राष्ट्रकुल स्पर्धेत आपापल्या गटात प्रतिस्पर्ध्यांचा पराभव करून अनुक्रमे पुरुष व महिला गटांच्या उपांत्य फेरीत प्रवेश केला.

ग्लास्गो : भारताची अव्वल बॅडमिंटन जोडी पी. कश्यप आणि पी. व्ही. सिंधू यांनी राष्ट्रकुल स्पर्धेत आपापल्या गटात प्रतिस्पर्ध्यांचा पराभव करून अनुक्रमे पुरुष व महिला गटांच्या उपांत्य फेरीत प्रवेश केला. नवी दिल्ली येथे झालेल्या राष्ट्रकुल स्पर्धेत कास्य पदक जिंकलेल्या भारताच्या पी. कश्यपने उत्कृष्ट खेळाचे प्रदर्शन करीत मलेशियाच्या डेरेन लियूला ३५ मिनिटांत २१-१३, २१-१४ गुणांनी पराभूत करून उपांत्य फेरीतील आपली जागा निश्चित केली. विश्व अजिंक्यपद स्पर्धेतील कास्य पदक विजेती पी. व्ही. सिंधूने आपल्या नावाला साजेसा खेळ करीत न्यूझीलंडच्या अ‍ॅना रैनकिनला कोणतीही संधी न देता २२ मिनिटांत २१-१०, २१-९ गुणांनी नमवित उपांत्य फेरीत प्रवेश केला. (वृत्तसंस्था)