ऑनलाइन लोकमत
रिओ, दि. १५ - बॅडमिंटनच्या पुरुष एकेरी स्पर्धेत किदांबी श्रीकांतनं उत्कृष्ट कामगिरीच्या जोरावर जैन ओ जॉरगेंसेनवर सरळ सेटमध्ये 21-19, 21-19 अशी मात केली आहे. या विजयामुळे श्रीकांतनं क्वॉर्टर फायलनमध्ये स्वतःचं नाव निश्चित केलं आहे. आता त्याचा सामना चीनच्या लीन डेनसोबत होणार आहे. दुस-या सेटमध्ये डेन्मॉर्कच्या खेळाडूनं जोरदार सुरुवात केली होती. त्यावेळी बचावात्कमरीत्या श्रीकांतनी तिस-या मिनिटाला 5-3 अशी गुण मिळवले. त्यानंतर चांगली कामगिरी करत श्रीकांतनं 2 गुण मिळवून धावसंख्या 7-4 अशी केली. तोपर्यंत डेन्मॉर्कच्या जैन- ओ कोनं दोन गुण मिळवले.
आठव्या मिनिटाला जैन-ओनं बरोबरी साधली. श्रीकांतनं जबरदस्त कामगिरीच्या जोरावर 3 गुण मिळवून 17-17 धावसंख्या केली. त्यानंतर श्रीकांतनं 20-18 असे गुण मिळवले. दुस-या सेटमध्ये श्रीकांतनं 21-19 असे गुण मिळवले. त्यामुळे त्याचा क्वॉर्टर फायनलमधील स्थान निश्चित झालं आहे.