बांगलादेशविरूद्धच्या कसोटीत नायरऐवजी रहाणेला संधी

बांगलादेशविरुद्ध उद्या होणा-या एकमेव कसोटीसाठी दुखापतीतून सावरलेल्या अजिंक्य रहाणेला संधी देण्यात येणार

ऑनलाइन लोकमत

हैदराबाद, दि. 8 -  बांगलादेशविरुद्ध उद्या होणा-या एकमेव कसोटीसाठी दुखापतीतून सावरलेल्या अजिंक्य रहाणेला संधी देण्यात येणार आहे. डावखुरा फलंदाज करुण नायरच्या जागी रहाणेला संधी देण्यात येणार आहे. 

 

टीम इंडियाचा कर्णधार विराट कोहलीने अजिंक्य रहाणेवर स्तुतीसुमनं उधळली आहेत.  करुण नायरची कामगिरी चांगली होती असं विराट म्हणाला पण  एका सामन्यातील अपयशामुळे अजिंक्य रहाणेने दोन वर्ष घेतलेल्या कठोर मेहनतीकडे दुर्लक्ष करता येणार नाही.

 

इंग्लंडविरुद्धच्या चौथ्या आणि पाचव्या कसोटी सामन्यामध्ये बोटाला दुखापत झाल्याने रहाणे खेळू शकला नव्हता.  त्याच्या जागी करुण नायरला संधी मिळाली आणि त्याने अखेरच्या सामन्यात त्रिशतक झळकावलं होतं. त्यामुळे बांगलादेशविरूद्ध रहाणे आणि नायरपैकी कोणाची निवड करावी असा प्रश्न संघ व्यवस्थापनासमोर होता. 

 

अजिंक्य रहाणे की करुण नायर यांच्यापैकी कोणाची निवड करायची असा प्रश्न संघ व्यवस्थापनासमोर उभा राहिला होता. परंतु अजिंक्य रहाणे बोटाच्या दुखापतीतून सावरल्याने करुणऐवजी त्याला संधी देण्यात आली.

One game doesn't overshadow 2 years of hard work, he is the most solid batsman of our team in the test format: Virat Kohli on Ajinkya Rahane pic.twitter.com/vzEWb0aTnK— ANI (@ANI_news) February 8, 2017