सानिया मिर्झा - बार्बोरा स्ट्रायकोव्हा जोडीला जपान ओपनचं विजेतेपद

भारताची टेनिसपटू सानिया मिर्झा आणि चेक रिपब्लिकच्या बार्बोरा स्ट्रायकोव्हा जोडीनं अंतिम सामन्यात चीनच्या चेन लिआन्ग आणि झाऊशान यँग जोडीचा पराभव करत तोराय पॅन पॅसिफिक ओपनचं विजेतेपद मिळवलं

ऑनलाइन लोकमत

टोकियो, दि. 24 - भारताची टेनिसपटू सानिया मिर्झा आणि चेक रिपब्लिकच्या बार्बोरा स्ट्रायकोव्हा जोडीनं अंतिम सामन्यात चीनच्या चेन लिआन्ग आणि झाऊशान यँग जोडीचा पराभव करत तोराय पॅन पॅसिफिक ओपनचं विजेतेपद मिळवलं. सानिया मिर्झा - बार्बोरा स्ट्रायकोव्हा जोडीने 6-1, 6-1 असा सरळ सेट्समध्ये धुव्वा उडवला. हा सामना जिंकण्यासाठी त्यांना फक्त 52 मिनिटे लागली. सानिया-बार्बोराचं हे दुसरंच विजेतपद ठरलं. यापूर्वी दोघींनी अमेरिकेतल्या सिनसिनाटी मास्टर्सचं जेतेपद मिळवलं होतं.