युवीने झहीरला विचारलं खूप ट्विट करतोस सध्या, उत्तर ऐकून हसू नाही आवरणार

भारताचा माजी मध्यमगती गोलंदाज झहीर खान आणि भारताचा विस्फोटक फलंदाज युवराज सिंग यांची जुगलबंदी ट्विटरवर पाहायला मिळत आहे.

ऑनलाइन लोकमत

मुंबई, दि. 14 - चॅम्पियन्स ट्रॉफी 2017 च्या दुस-या सेमीफायनलमध्ये टीम इंडियाची टक्कर 15 जून रोजी बांगलादेशसोबत होणार आहे. दरम्यान, भारताचा माजी मध्यमगती गोलंदाज झहीर खान आणि  भारताचा विस्फोटक फलंदाज युवराज सिंग यांची जुगलबंदी ट्विटरवर पाहायला मिळत आहे. 12 जून रोजी पाकिस्तान आणि श्रीलंकेदरम्यान झालेल्या सामन्यात पाकिस्तानने श्रीलंकेचा पराभव करत सेमीफायनलमध्ये प्रवेश केला.

 

या सामन्यादरम्यान एकवेळ पाकिस्तानच्या 7 विकेट गेल्या होत्या आणि त्यांना 90 चेंडूंमध्ये 62 धावांची गरज होती. त्याचवेळी झहीर खान याने "...पुढे काय होईल हे पाहणं आता रंजक ठरेल" असं ट्विट केलं.

62 needed of 90 with 3 wkts in hand , very interesting to see how it finishes from here ... #CT17#SLvPAK— zaheer khan (@ImZaheer) June 12, 2017

 

झहीरच्या या ट्विटला भारताचा विस्फोटक फलंदाज युवराज सिंगने लगेचच रिप्लाय केला. ""आज-काल तू खूप ट्विट करतोयेस...काय बात आहे...""असा रिप्लाय युवराजने त्याला दिला.

Oh tu bade tweet kar reha aj kal ki gal ?— yuvraj singh (@YUVSTRONG12) June 12, 2017

 

यावेळी हे ट्विट करण्यामागे युवीचा इशारा सागरिका आणि झहीरच्या रिलेशनशीपकडे होता असं काही ट्विटर युजर्सने म्हटलं.  क्रिकेटच्या मैदानावर आपल्या शानदार स्विंग गोलंदाजीसाठी फेमस असलेल्या झहीरने लगेच युवीला उत्तर दिलं. ""मी तुझ्यासारखं ट्विट करतोय पण तू माझ्यासारखा फिल्डिंग का करतोयेस..."" असं ट्विट झहीरने केलं.

I am tweeting like you @YUVSTRONG12 but why are you fielding like me ??? Hahaha https://t.co/FaPx75Kn8Q— zaheer khan (@ImZaheer) June 12, 2017

 

 

दक्षिण आफ्रिकेविरूद्धच्या सामन्यात युवराजच्या क्षेत्ररक्षणाचा दर्जा त्याच्या लौकिकास साजेसा नव्हता. त्यावरून झहीरने युवराजला मुद्दाम डिवचलं. त्यावर युवराजने रिप्लाय देताना आपल्या जुन्या मित्राला गप्प राहण्याचा इशारा करत अरे समजून घे... असं उत्तर दिलं.