मुंबई : १२ वर्षीय जान्हवी शेट्टीच्या धडाकेबाज खेळाच्या जोरावर स्पाकर््स एफसी संघाने फुटबॉल क्लब आॅफ मुंबईकर संघाचा ५-१ असा धुव्वा उडवून महिला फुटबॉल लीग स्पर्धेत विजयी आगेकूच केली. केंकरे एफसी संघाने मुंबई रश सॉकर अकॅडमी संघाचा ३-१ असा पाडाव केला.मुंबई जिल्हा फुटबॉल संघटनेच्या (एमडीएफए) वतीने सुरु असलेल्या या स्पर्धेत क्रॉस मैदानावर स्पाकर््स संघाने धमाकेदार खेळाचे प्रदर्शन केले. जान्हवीने संघाच्या विजयात मोलाचे योगदान देताना शानदार २ गोलची नोंद केली. तीने मुंबईकर संघाचे संरक्षण भेदताना जबरदस्त आक्रमण केले. त्याचबरोबर सई संखे, अबीर अरीसवाला आणि भाग्यश्री दळवी यांनी प्रत्येकी एक गोल करताना संघाच्या विजयामध्ये हातभार लावला. दुसरीकडे, अंशिता पंतने आपल्या मुंबईकर संघाकडून एकमेव गोल करुन एकाकी झुंज दिली.अन्य सामन्यात कसलेल्या केंकरे संघाने अपेक्षित विजय मिळवताना मुंबई रश सॉकर अकॅडमीला ३-१ असे नमवले. रिनी तलाटिने २ गोल नोंदवताना मुंबई रशला दडपणाखाली आणले. आरती अरोराने तीला चांगली साथ देताना एक गोल केला. मुंबई रशकडून प्रियंका अहिरावने एक गोल करुन संघाचा पराभव टाळण्याचा प्रयत्न केला. (क्रीडा प्रतिनिधी)
जान्हवीच्या जोरावर स्पाकर््स एफसीची आगेकूच
By admin | Published: April 20, 2017 4:24 AM