देवगावफाटा : शालेय विद्यार्थ्यांचे मोफत आधार नोंदणी व दुरुस्तीसाठी सेलू शहरातील गटसाधन केंद्रात सोमवारपासून सुविधा उपलब्ध करून देण्यात आली आहे. मुख्याध्यापकांनी विद्यार्थ्यांना दुरुस्ती फॉर्म भरून देऊन आधार कार्डची दुरुस्ती करून घ्यावी, असे आवाहन गटशिक्षणाधिकारी गणराज यरमळ यांनी केले आहे. प्राथमिक शिक्षण संचालक दत्तात्रय जगताप यांनी पहिली ते बारावीपर्यंतच्या सर्व विद्यार्थ्यांची सरल प्रणालीमध्ये अभिलेख्यानुसारची माहिती व विद्यार्थी आधार कार्डमधील माहिती, यामध्ये मोठी विसंगती येत असल्याची बाब समोर आली आहे. त्यामुळे शालेय अभिलेखानुसार आधार कार्ड अद्ययावत असावे, यासाठी नवीन आधार नोंदणी, दुरुस्ती करण्यासाठी शिक्षण विभागाच्या वतीने मोफत सुविधा उपलब्ध करून देण्यात आली आहे. पालकांनी संबंधित मुख्याध्यापक यांच्याशी संपर्क साधून आपल्या पाल्याची आधार नोंदणी व दुरुस्ती करावी, असे आवाहन गटशिक्षणाधिकारी गणराज यरमळ यांनी केले आहे. यासाठी अद्ययावत यंत्रसामुग्रीसह पर्यवेक्षक सोमेश्वर गुरव व ऑपरेटर चंद्रकांत मोगरे यांची नियुक्ती करण्यात आली आहे.
विद्यार्थ्यांसाठी मोफत आधार नोंदणी
By लोकमत न्यूज नेटवर्क | Published: March 23, 2021 4:18 AM