शहरातील हातपंप बंद
परभणी : शहरातील विविध प्रभागांमध्ये सार्वजिनक ठिकाणी घेतलेले हातपंप सध्या बंद आहेत. या हातपंपांचे साहित्य गायब झाले आहे. मनपाने संभाव्य पाणीटंचाई लक्षात घेऊन हातपंप सुरू करण्याची मागणी होत आहे.
अस्वच्छता वाढली
परभणी : येथील प्रशासकीय इमारत परिसरात मोठ्या प्रमाणात अस्वच्छता निर्माण झाली आहे. वाढलेली धूळ आणि तुटलेल्या साहित्यांमुळे अधिकारी-कर्मचाऱ्यांसह नागरिकांची गैरसोय होत आहे.
उद्यान विकास ठप्प
परभणी : शहरातील विविध उद्यानातील विकासकामे सध्या ठप्प पडली आहेत. कोरोनाच्या संसर्गामुळे दोन वर्षांपासून मनपाचे उद्यानांकडे दुर्लक्ष झाले असून उद्यानांना बकाल अवस्था प्राप्त झाली आहे.
निधी रखडला
परभणी : जिल्ह्यातील विकासकामांसाठी लागणारा निधी शासनाकडून प्राप्त होत नसल्याने कामे रखडली आहेत. निधीसाठी पदाधिकाऱ्यांनी पाठपुरावा करावा, अशी मागणी होत आहे.