ट्रकला धडकल्याने दुचाकीचालक जागीच ठार

सेलू तालुक्यातील देऊळगाव गात येथील रहिवासी दिगंबर प्रल्हादराव कदम (३०) हा तरुण सेलूवरून दुचाकीवर २२ जून रोजी रात्री १० वाजण्याच्या सुमारास (एम.एच.२२ए.एस.४८२१) ने गावाकडे देऊळगाव गात येथे जात होता. तेव्हा कुंडी पाटीजवळ ( एमएच.२४ जे ९०६२) या चालत्या ट्रकला पाठीमागून धडक दिल्यामुळे दिगंबर कदम जागीच मरण पावले. घटनेची माहिती सेलू पोलीस ठाण्याचे सहायक पोलीस उपनिरीक्षक शेख मुजीब यांना कळताच आपल्या सहकाऱ्यांसह घटनास्थळी भेट देऊन मयतास शवविच्छेदनासाठी उपजिल्हा रुग्णालयात दाखल करण्यात आले. त्यानंतर मयताचे प्रेत नातेवाईकांच्या स्वाधीन करण्यात आले. २३ जून रोजी दुपारी बाराच्या सुमारास दिगंबर प्रल्हादराव कदम यांच्या पार्थिवावर देऊळगाव गात येथे अंत्यसंस्कार करण्यात आले. मयताच्या पश्चात आई,वडील, पत्नी, तीन वर्षांचा मुलगा, एक भाऊ असा परिवार आहे. या अपघाताच्या संदर्भात गुन्हा दाखल करण्याची प्रक्रिया सुरू असून अपघातग्रस्त दोन्ही वाहने पोलिसांनी ताब्यात घेतली आहेत.