रोहिणी, मृग पाठोपाठ आर्द्रा पुर्नवसू नक्षत्रही अधूनमधून जोरदार कोसळले. यामुळे भंडारदरा, हरिश्चंद्रगड परिसरात निसर्गाने जणूकाही हिरवीशाल पांघरली आहे. सध्या मुसळधार पाऊस कोसळत नसला तरी अधूनमधून येणा-या टपो-या थेंबांचा पाऊस, वा-याची झुळूक मनाला आल्हाददायक अशीच वाटते. घाटघरच्या कोकण कड्याजवळचे दृश्य तर विलोभनीय असेच आहे. कड्याच्या खाली असणारे पांढरे शुभ्र धुके, कोसळणारे लहान मोठे धबधबे वाहू लागले आहेत. मात्र मुरखेल ते घाटघरमधील डोंगररांगावरून पावसाचे प्रमाण जसे कमी अधिक होते, तसे असे विलोभनीय दृष्य येथे पहायला मिळत आहे. मात्र हे सर्व पहायला पर्यटक नाहीत. (छाया-प्रकाश महाले, राजूर/वसंत सोनवणे, भंडारदरा)