बीएस 6 वाहन घेताय? मग ही काळजी जरूर घ्या! नाहीतर खिसा रिकामा होईल

नवीन श्रेणीतील वाहनांमुळे प्रदूषण कमालीचे घटणार आहे. मात्र, याचबरोबर नीट काळजी न घेतल्यास खिसाही कापला जाणार आहे.

येत्या 1 एप्रिलपासून BS6 मानांकनाची वाहने विक्री केली जाणार आहेत. यामुळे सर्वच कंपन्यांनी बीएस6 वाहने लाँच करण्याता सपाटा लावला आहे.

या नवीन श्रेणीतील वाहनांमुळे प्रदूषण कमालीचे घटणार आहे. मात्र, याचबरोबर नीट काळजी न घेतल्यास खिसाही कापला जाणार आहे.

बीएस4 आणि बीएस 6 या प्रकारातील वाहनांमध्ये मोठा फरक हा कार्बुरेटरचा आहे. कारण नवीन उत्सर्जन मानकांच्या गाड्यांमध्ये फ्यूअल इंजेक्शन सिस्टिम देण्यात आली आहे. छोट्यातील छोट्या वाहनांमध्येही ही प्रणाली लावण्यात आली आहे.

जर तुमच्याकडे बीएस 6 चे वाहन असेल किंवा घेण्याचा विचार करत असाल तर तुम्हाला खूप सावधगिरी बाळगावी लागणार आहे.

अजून या वाहनांच्या विक्रीला अंशत: सुरुवात झालेली असल्याने या वाहनांचे सर्व्हिस सेंटर उपलब्ध नाहीत.

नुकतेच काही पेट्रोल पंपांवर बीएस6 चे इंधन उपलब्ध करण्यात आलेले आहे. कंपन्यांच्या सर्व्हिस सेंटरमध्येही प्रशिक्षण घेतलेले कर्मचारी नाहीत. यामुळे बाहेरील गॅरेजमध्ये माहितगार मॅकॅनिकही मिळणे कठीण आहे.

सर्वात आधी तुम्हाला इंधन भरताना काळजी घ्यावी लागणार आहे. टाकीला आतमध्ये गंज पकडता नये, यासाठी पाणी मिश्रीत पेट्रोल आतमध्ये जाता नये.

चुकुनही जर इंधनाच्या टाकीमध्ये पाणी किंवा अन्य कोणतेही द्रव्य गेले तर फ्युअल इंजेक्टर बंद पडणार आहेत. ही समस्या कार्ब्युरेटरसोबत होत नाही.

सर्वात महत्वाचा खर्चिक भाग म्हणजे हे इन्जेक्टर कोणत्याही वॉरंटीमध्ये बदलून मिळत नाहीत. यामुळे ते खराब झाल्यास तुम्हाला खिशातून पैसे मोजावे लागणार आहेत.

चांगल्या आणि माहिती असलेल्या पेट्रोल पंपावरच इंधन भरावे लागणार आहे. कारण इंधनात भेसळ असल्यास त्याचा थेट परिणाम इंजेक्टरच्या आयुष्यावर होणार आहे. तसेच धुळ-माती आदींपासूनही या इंजेक्टरला धोका आहे.

इंजेक्टरमध्ये काही खराबी आल्यास त्याची सूचना तुमच्या स्कूटर, कारच्या इन्स्ट्रुमेंट क्लस्टरवर मिळते. यासाठी तिथे इंडिकेटर देण्यात आलेला आहे.