Maruti Suzuki Swift खरेदी करा स्वस्तात; Alto K10, Dzire सह 'या' कारवर बंपर डिस्काउंट!

Maruti Suzuki Discount Offers 2024 : मारुतीनं नुकतेच स्विफ्टचं नवीन मॉडेल लाँच केलं आहे. या शानदार हॅचबॅकवर तुम्हाला सवलत मिळू शकते.

मारुती सुझुकीची कार स्वस्त दरात खरेदी करण्याची उत्तम संधी आहे. कंपनी ऑगस्ट २०२४ मध्ये मोठ्या डिस्काउंट ऑफर देत आहे. मारुती स्विफ्ट, अल्टो K10, डिझायर, सेलेरिओ सारख्या कार खरेदीवर मोठी बचत होणार आहे. या सर्व ऑफर एरिना डीलरशिपच्या कारसाठी आहेत.

सवलतीच्या ऑफरमध्ये फक्त एर्टिगाचा समावेश नाही. या कारवर कोणतीही सूट मिळणार नाही. मारुतीनं नुकतेच स्विफ्टचं नवीन मॉडेल लाँच केलं आहे. या शानदार हॅचबॅकवर तुम्हाला सवलत मिळू शकते. ही ऑफर फक्त ऑगस्ट २०२४ पर्यंत आहे. तुम्ही या कार फक्त या महिन्यापर्यंत डिस्काउंटसह खरेदी करू शकता.

Maruti Suzuki Swift

नवीन जनरेशनच्या मारुती सुझुकी स्विफ्टवर ३३,१०० रुपयांपर्यंत सूट मिळू शकते. तुम्ही २८,१०० रुपयांपर्यंतच्या सूटसह मॅन्युअल व्हेरिएंट खरेदी करू शकता. त्याचवेळी, ऑटोमॅटिक व्हेरियंटवर ३३,१०० रुपयांपर्यंत सूट मिळेल. सीएनजी व्हर्जनवर १८, १०० रुपयांपर्यंतची सूट उपलब्ध आहे.

Maruti Suzuki Dzire

मारुती सुझुकी डिझायरला स्वस्त दरात खरेदी करण्याचीही संधी आहे. ही सेडान तुम्ही ३०,००० रुपयांपर्यंत सूट देऊन खरेदी करू शकता. हा फायदा ऑटोमॅटिक व्हेरियंटवर मिळेल. मॅन्युअल व्हेरियंटवर २५,००० रुपयांपर्यंत सूट दिली जात आहे. सीएनजी सीएनजी आवृत्तीवर कोणतीही ऑफर नाही.

Maruti Suzuki Alto K10

मारुती सुझुकी अल्टो K10 वर ५०,१०० रुपयांपर्यंतची मोठी सूट उपलब्ध आहे. ऑटोमॅटिक व्हेरियंटवर ही सूट मिळू शकते. मॅन्युअल व्हर्जनवर ४५,१०० रुपयांपर्यंत बचत होऊ शकते. सीएनजी आवृत्ती तुम्हाला ४३,१०० रुपयांपर्यंत बचत मिळू शकते.

Maruti Suzuki S-Presso

एस-प्रेसो हॅचबॅकचे इंजिन अल्टो K10 प्रमाणेच स्पेसिफिकेशन्ससह येते. कारच्या ऑटोमॅटिक व्हेरियंटवर ५३,१०० रुपयांची सूट मिळेल, तर सीएनजी व्हर्जनवर ४८,१०० रुपयांपर्यंत सूट मिळेल. एस-प्रेसोची एक्स-शोरूम किंमत ४.९९ लाख रुपयांपासून सुरू होते.

Maruti Suzuki Celerio

मारुतीच्या आलिशान कारपैकी एक सेलेरिओ कार खरेदी केल्यावर, तुम्हाला एस-प्रसो सारख्या सवलतीच्या ऑफर मिळतील. या कारची एक्स-शोरूम किंमत ४.९९ लाख रुपयांपासून सुरू होते.

Maruti Suzuki Wagon R

मारुती सुझुकी वॅगनआर ही कंपनीच्या सर्वाधिक विक्री होणाऱ्या कारपैकी एक आहे. कारच्या ऑटोमॅटिक व्हर्जनवर ५३,१०० रुपयांपर्यंत बचत होईल. मॅन्युअल व्हर्जनवर ४८,१०० रुपयांपर्यंत आणि सीएनजी व्हर्जनवर ४३,१०० रुपयांपर्यंत सूट असेल.

Maruti Suzuki Brezza

मारुती सुझुकी ब्रेझाच्या सर्व व्हेरियंटवर १५,००० रुपयांपर्यंतचा एक्सचेंज बोनस मिळत आहे. ब्रेझाची एक्स-शोरूमच किंमत ८.३४ लाख रुपयांपासून सुरू होते.

Maruti Suzuki Eeco

तुम्ही मारुती सुझुकी इको ५.३२ लाख रुपयांच्या सुरुवातीच्या एक्स-शोरूम किमतीत खरेदी करू शकता. या कारवर २८,१०० रुपयांपर्यंत सूट मिळत आहे.