भारतात लाँच झाली ९ गिअर असलेली पॉवरफुल एसयुव्ही; 3D सराऊंड कॅमेरा केबिनसह मिळतात जबरदस्त फीचर्स

Range Rover Evoque : पाहा कोणती आहे ही कार. कारमध्ये मिळतायत जबरदस्त फीचर्स आणि पाहा किती आहे किंमत.

जॅगुआर लँडरोवर भारतीय बाजारात सातत्यानं आपली एसयूव्ही रेंज अपडेट करत आहे. नुकतंच कंपनीनं वेलार आणि स्पोर्ट एसव्हीआर बाजारात सादर केली होती.

आता कंपनीनं Range Rover Evoque या एसयूव्हीचं नवं व्हर्जन लाँच केलं आहे. अतिशय आकर्षक लूक आणि दमदार इंजिन क्षणता या कारमध्ये देण्यात आली आहे.

कंपनीनं Range Rover Evoque चं केवळ आर डायनॅमिक एसई व्हेरिअंट लाँच केलं आहे. गेल्या वर्षी जानेवारी महिन्यात कंपनीनं इवोक नव्या BS6 इंजिनसह अपडेट करून रिलाँच केली होती.

त्यावेळी त्या कारची किंमत 59.85 लाख रूपये होती. नवी Range Rover Evoque ही यापूर्वीच्या कारच्या तुलनेत अधिक महाग आहे. या कारची एक्स शोरूम किंमत 64.12 लाख रूपये इतकी आहे.

ही कार महाग असली तरी यापूर्वीच्या कारच्या तुलनेत यामध्ये अनेक अॅडव्हान्स फीचर्स देण्यात येतात. कंपनीनं कारच्या डिझाईनमध्ये कोणत्याही प्रकारचा बदल केलेला नाही.

ही एसयूव्ही ड्युअल टोन अपहोल्सटरी पर्यायासह येते. यामध्येही टाईम रनिंग लाईट्स (DRL) सह स्लीक एलईडी हेडलँप्स, फ्लश टाईप डोअर हँडल, टेपर्ड रुफलाईन आणि नवी रँप अराऊंड टेल लाईट देण्यात आली आहे.