Road Hypnosis: विनायक मेटेंचा ड्रायव्हर रोड हिप्नॉटिझमचा शिकार? काय असतो हा प्रकार

How common is highway hypnosis? हायवेवर, सतत वाहन चालवू लागल्यावर हा प्रकार सुरु होतो. अनेक गाड्यांमध्ये ठराविक वेळेनंतर एक सूचना येते, ती तुमच्यासाठीच असते... तो काळ थांबला तर पुढची वेळही टळू शकते. सावध व्हा...

विनायक मेटेंच्या अपघाती मृत्यूच्या निमित्ताने एक्स्प्रेस वे वरील वाहतुकीच्या त्रूटी लक्षात येत आहेत. उदयनराजे आणि संभाजीराजेंनी या चुकांवर बोट ठेवले आहे. असे असताना अनेकदा वाहनचालकांना रोड हिप्नॉटिझमला सामोरे जावे लागते. अनेकदा तुमच्याही लक्षात आले असेल, दूरचा प्रवास करून आल्यावर आपण इथे कसे आलो, हे आठवत नाही. किंवा वाहन चालवत असताना बेधुंद म्हणजेच नजर शून्यात गेल्यासारखे वाटते आणि आपण वाहन चालवत राहतो. इथे धोका आहे, लक्षात घ्या.

टाटाच्या कारमध्ये एक फिचर आहे. काही ठराविक वेळ सलग गाडी चालविली की टाटाच्या स्क्रीनवर एक विश्रांती घेण्याचा सल्लावजा मेसेज येतो. इतरही गाड्यांमध्ये असेल हे, परंतू हे काय आहे. तर परदेशात प्रचलित असलेल्या रोड हिप्नॉटिझम स्थितीपासून वाचण्यासाठी हा मेसेज असतो. सतत गाडी चालवून आपल्याला आपल्य़ा समोर चलचित्र पाहिल्यासारखे होते. यात आपण गुरफटून जातो आणि पुढे अपघाताची शक्यता असते. काय प्रकार असतो हा?

विनायक मेटेंचा ड्रायव्हर जेव्हा मेटेंसोबत हॉस्पटलमध्ये आला तेव्हा तो आपले स्टेटमेंट सारखे बदलत होता. यामुळे अपघात कसा झाला याबाबत संभ्रमाची स्थिती निर्माण होत होती. तो असे का बोलत होता, त्याला काय आठवत होते, काय आठवत नव्हते? त्याला डुलकी लागली होती का? असे अनेक प्रश्न उपस्थित होत आहेत.

रोड संमोहन म्हणजे नेमके काय?

रोड संमोहन ही एक शारीरिक स्थिती आहे जी बहुतेक ड्रायव्हर्सना लक्षात येत नाही किंवा त्यांना माहिती नसते. रोड हिप्नोसिस रस्त्यावर वाहन चालविण्यास सुरुवात केल्यानंतर 2.5 तासांनी सुरू होते, संमोहित चालकाचे डोळे उघडे असतात, परंतु मेंदू जे काही पाहतो ते रेकॉर्ड आणि विश्लेषण करत नाही.

रोड संमोहन हे तुमच्या समोर उभ्या असलेल्या वाहनाला किंवा ट्रकला मागील बाजूस अपघात होण्याचे पहिले कारण आहे. रोड हिप्नोसिस असलेल्या ड्रायव्हरला टक्कर होईपर्यंत शेवटच्या 15 मिनिटांत काहीही आठवत नाही. तो किती किमी वेगाने जात आहे, किंवा त्याच्या समोरच्या कारचा वेग, सहसा टक्कर 140 किमीच्या वर असते याचे विश्लेषण करू शकत नाही.

रोड हिप्नोसिसपासून स्वतःचे संरक्षण करण्यासाठी, दर 2.5 तासांनी थांबणे, चालणे, चहा किंवा कॉफी पिणे आवश्यक आहे. लांब रस्त्यावर रोड संमोहनपूर्वी काही काळ चलचित्र बघितल्या सारखे वाटून नुसते बघत रहातो. तुमच्यासोबतही हा प्रकार अनेकदा घडला असेल. याला झोप किंवा डुलकी म्हणत नाहीत. असे प्रकार हायवेवर होतात, कारण सगळीकडे रस्ता सारखाच असतो.

काय़ काळजी घ्यावी?

वाहन चालवताना काही ठिकाणे आणि वाहने लक्षात ठेवणे आवश्यक आहे. जर तुम्हाला शेवटच्या 15 मिनिटांत काहीही आठवत नसेल, तर याचा अर्थ तुम्ही स्वत:ला आणि प्रवाशांना मृत्यूकडे नेत आहात. रोड संमोहन रात्रीच्या वेळी अधिक वेळा घडते आणि प्रवासी देखील झोपलेले असल्यास, परिस्थिती खूप गंभीर होते. चालकाने थांबावे, विश्रांती घ्यावी, दर 2.5 तासांनी 5-6 मिनिटे चालावे आणि आपले मन मोकळे ठेवावे.

डोळे उघडे असले तरी जर का मन बंद असेल तर अपघात अटळ आहे. गाडी चालवता चावलता ब्लँक होणे थांबवा, क्षणभर गाडी बाजूला घेऊन दीर्घ श्वास घ्या आणि फ्रेश होऊन इकडे तिकडे बघत परत ताजेतवाने होत वाहन चालविण्यास सुरुवात करा. थांबल्याने वेळ जातो, म्हणून दुर्लक्ष करू नका. न जाणो यामुळे तुम्ही ती वेळ टाळू शकाल.