बजाज-ट्रायम्फने लॉन्च केली सर्वात स्वस्त बाईक, KTM पेक्षाही कमी किंमत...

By ऑनलाइन लोकमत | Published: July 5, 2023 07:09 PM2023-07-05T19:09:29+5:302023-07-05T19:13:10+5:30

Triumph Speed 400 Price: या बाईकची स्पर्धा हार्ले-डेविडसन X440, रॉयल एनफील्ड क्लासिक 350, KTM 390 Duke सारख्या बाईक्सशी असेल.

Triumph Speed 400 India Launch: बजाज-ट्रायम्फ जोडीने भारतीय बाजारपेठेत Speed 400 ही पहिली बाईक लॉन्च केली आहे. यापूर्वी कंपनीने Scrambler 400 X चे अनावरण केले होते, पण आता Speed 400 लॉन्च करण्यात आली आहे. Scrambler 400X ची लॉन्चिंग नंतर केली जाईल.

Triumph Speed 400 India Launch: या नवीन बाईकची किंमत 2.33 लाख(एक्स-शोरुम) सुरू होते. Hero MotoCorp आणि Harley Davidson ने देखील काल आपली पहिली बाईक Harley Davidson X440 लॉन्च केली आहे. आता Speed 400 ची स्पर्धा Harley Davidson X440 शी असेल.

Triumph Speed 400 India Launch: दोन दिवसांत जगातील दोन आघाडीच्या दुचाकी ब्रँड्सनी भारतीय कंपन्यांच्या सहकार्याने नवीन बाईक्स लॉन्च केल्या आहेत. HD X440 ही सर्वात स्वस्त हार्ले-डेव्हिडसन बाईक आहे, ज्याची किंमत एक्स-शोरुम 2.29 लाखांपासून सुरू होते. यानंतर आता ब्रिटीश मोटरसायकल कंपनी ट्रायम्फने बजाजच्या सहकार्याने पहिली बाईक बाजारात आणली आहे.

Triumph Speed 400: स्पेसिफिकेशन्स-कंपनीच्या सर्वात स्वस्त बाइक्समध्ये ट्रायम्फ Speed 400 चा समावेश आहे. या बाईखमध्ये लिक्विड-कूल्ड 398cc सिंगल-सिलेंडर इंजिन दिले आहे. बाईकचे ब्रँड-न्यू टीआर सीरीज इंजिन 6-स्पीड गिअरबॉक्सशी जोडले गेले आहे. Speed ​​400 आणि Scrambler 400 X ची रचना शक्तिशाली ट्रायम्फ मॉडेल्सपासून प्रेरित आहे.

Triumph Speed 400: फीचर्स-बजाज आणि ट्रायम्फच्या या पहिल्या बाईकमध्ये 17 इंच अलॉय व्हील आणि MRF चे टायर्स दिले आहेत. यात सेमी-डिजिटल इन्स्ट्रुमेंट क्लस्टर, कर्वी फ्युएल टँक, स्टेप-अप सीट, राउंड हेडलाईट यांसारखी फीचर्स मिळतील.

Triumph Speed 400: इंटरनॅशनल मार्केटप्रमाणे ही बाईकदेखील तीन रंगांमध्ये उपलब्ध आहे. यात फँटम ब्लॅकसोबत कार्निव्हल रेड, स्टॉर्म ग्रेसोबत कॅस्पियन ब्लू आणि स्टॉर्म ग्रेसोबत फँटम ब्लॅक कलर मिळतात.

Triumph Speed 400: स्वस्तात खरेदी करा बाईक-आता बाईक खरेदी करणाऱ्यांना कंपनी चांगली ऑफर घेऊन आली आहे. सुरुवातीचा 10 हजार ग्राहकांना ही बाईक 2.23 लाखांना मिळणार आहे. या बाईकची स्पर्धा हार्ले-डेविडसन X440, रॉयल एनफील्ड क्लासिक 350, KTM 390 Duke (Rs 2.97 lakh), BMW G 310 R सारख्या बाईक्सशी असेल.