FASTag मुळे तुमचा पैसा आणि प्रवासातील वेळ वाचेल; जाणून घ्या, सर्व फायदे...

FASTag : जे लोक FASTAg द्वारे टोल कर भरतील त्यांना टोल करात काही सूटही मिळणार आहे.

नवी दिल्ली : रोड ट्रिपमधून प्रवास करणार्‍यांसाठी आनंदाची बातमी आहे. जे लोक रस्तेमार्गाने आपल्या वाहनांतून लांब पल्ल्याचा प्रवास करतात, ते आता प्रवास पूर्ण करण्यासाठी कमी वेळ घेतील, तसेच खर्चही कमी होईल. दरम्यान, केंद्रीय रस्ते वाहतूक आणि महामार्ग मंत्रालयाने (MoRTH) देशभरातील सर्व राष्ट्रीय महामार्गांवर टोल प्लाझावर FASTAg द्वारे टोल घेणे सुरू केले आहे.

ज्यामुळे तुम्हाला यापुढे टोल प्लाझाच्या लांबलचक लाईनमध्ये उभे रहावे लागणार नाही. तसेच, जे लोक FASTAg द्वारे टोल कर भरतील त्यांना टोल करात काही सूटही मिळणार आहे. अशा परिस्थितीत, तुम्हाला आता रस्तेमार्गाने प्रवास करण्यासाठी कमी वेळ लागेल तसेच तुमचे पैसेही वाचतील. याशिवाय FASTAg वापरण्याचे आणखी बरेच फायदे आहेत.

FASTag तुमच्याकडे नसल्यास डबल कर भरावा लागेल

जर तुम्ही अद्याप तुमच्या वाहनावर FASTag लावला नसेल तर तुम्ही तो लवकरच मिळविला पाहिजे. कारण, आता टोल प्लाझावर FASTag नसल्यास तुम्हाच्याकडून डबल कर आकारला जाईल. अशा परिस्थितीत तुमच्या खिशावर अधिक भार पडेल आणि तुमचा प्रवास महाग होईल.

त्याचबरोबर, सरकारने हे स्पष्ट केले आहे की, ज्या वाहनांना FASTag नाही त्यांना थर्ड पार्टी विम्याचा लाभ मिळणार नाही. यासह फिटनेस प्रमाणपत्र व आरसी नूतनीकरणासाठी वाहनावर FASTag ठेवणे देखील बंधनकारक केले आहे.

FASTag चे फायदे

FASTags टोल वसुलीसाठी प्रीपेड रिचार्ज करण्यायोग्य टॅग आहेत जे वाहने चालवित असताना स्वयंचलित पेमेंट कपात करण्यास परवानगी देतात.

देशभरातील 720 हून अधिक टोल प्लाझा डिजिटल स्वरूपात टोल स्वीकारण्यास सक्षम आहेत. वेगवान प्रक्रिया वेळ आणि RFID तंत्रज्ञानाद्वारे टोल शुल्कास सहज मान्यता मिळाल्यामुळे ट्रॅफिक अडथळे कमी होण्यास मदत होते आणि इंधनाची बचत होते.

याचबरोबर, डिजिटल व्यवहार भौतिक संपर्क टाळतात आणि सुरक्षा घटकामध्ये भर घालत असतात. सध्याच्या काळात हे महत्वाचे आहे. या व्यतिरिक्त कॉन्टॅक्टलेस आणि इंटर-ऑपरेबल पार्किंग सोल्यूशन्स यासारख्या नवीन वापर प्रकरणे दिल्ली, मुंबई, चेन्नई आणि बेंगलुरू या प्रमुख शहरांमध्येही राबविली जात आहेत. जीएमआर हैदराबाद आंतरराष्ट्रीय विमानतळाने यापूर्वीच NETC फास्टॅगसह कॉन्टॅक्टलेस कार पार्किंग सुविधा सुरू केली आहे.

ग्राहकांना टोल देयकासाठी सुट्टे पैसे शोधण्याची आवश्यक नाही. कारण, तुमच्या बँक खात्यात कार्ड, UPI, NEFT आणि नेट बँकिंग यासह अनेक पेमेंट पर्यायांशी संपर्क साधून टॅग सहज रीचार्ज केले जाऊ शकतात.

आगामी काळात राज्य महामार्गांवर FASTagचा व्यापकपणे अवलंब केला जाईल. NETC फास्टॅगवर जवळपास 29 बँका लाईव्ह आहेत आणि ग्राहक कोणत्याही बँकेतून बँकांचा लाभ घेऊ शकतात.