इलेक्ट्रीक कार खरेदी केल्यास मिळतेय ३ लाखांची सूट; पाहा कसा घेऊ शकता हा लाभ

मोठ्या शहरांमध्ये प्रदुषणाचा धोका अधिक आहे. दरम्यान, या धोका टाळण्यासाठी सरकारकडून काही उपाययोजना लागू करण्यात येत असतात.

काही दिवसांपूर्वी दिल्लीचे मुख्यमंत्री अरविंद केजरीवाल यांनी इलेक्ट्रीक कार्सना चालना देण्यासाठी मोठी घोषणा केली होती.

यासाठी दिल्ली सरकानं इलेक्ट्रीक वाहनांसाठी दिल्ली स्वीच ही मोहीम सुरू केली आहे. या अंतर्गत सरकारन इलेक्ट्रीक वाहनांवर मोठी सूट देत आहे.

दिल्ली सरकारनं इलेक्ट्रीक वाहनांवर १.५ लाख रूपयांची सूट देण्याचा निर्णय घेतला आहे. याव्यतिरिक्त इलेक्ट्रीक वाहनांवरील रोड टॅक्स आणि रजिस्ट्रेशनदेखील मोफत करण्यात आलं आहे.

या घोषणेमुळे दिल्लीतील पेट्रोलवर चालणारी वाहनं कमी होऊन प्रदुषणदेखील कमी होण्याची शक्यता वर्तवण्यात आली आहे.

२०२४ पर्यंत दिल्लीत नव्यानं विक्री होणाऱ्या वाहनांपैकी २५ टक्के इलेक्ट्रीक वाहनं असू शकतात असा अंदाज केजरीवाल सरकारनं व्यक्त केला आहे.

याअंतर्गत दुचाकी आणि तीनचाकी वाहनांसाठी ३० हजार रूपयांचं अनुदान देणअयाचा निर्णय केजरीवाल सरकारनं घेतला आहे. तर इलेक्ट्रीक कार्समध्ये १.५ लाख रूपयांचं अनुदान देण्यात येईल.

याशिवार या वाहनांवर कोणत्याही प्रकारे रोड टॅक्स आणि रजिस्ट्रेशन चार्ज आकारला जाणार नाही, असंही स्पष्ट करण्यात आलं आहे.

XM ट्रिमवर रोड टॅक्स आणि रजिस्ट्रेशनवर १ लाख ४० हजार ५०० रूपयांची सूट देण्यात येणार आहे. याव्यतिरिक्त XZ+ व्हेरिअंट्सवर १ लाख ४९ हजार ९०० रूपयांची सूट मिळेल.

दिल्ली सरकार आता Tata Nexon EV च्या खरेदीवर ३ लाख रूपयांपेक्षा अधिक सूट देत आहे.