Planet Position February 2022: फेब्रुवारीत ६ ग्रहांचा स्थितीबदल: ‘या’ ५ राशीच्या व्यक्तींना शुभफलदायक महिना; लाभाचे उत्तम योग

Planet Position February 2022: फेब्रुवारीतील ज्योतिषीय स्थितीबदलाचा सर्व राशींवर प्रभाव दिसून येईल. मात्र, यातील ५ राशीच्या व्यक्तींना याचा लाभ मिळू शकेल.

देशातील पाच राज्यांच्या विधानसभा निवडणुका, व्हॅलेंटाइन डे यांसह ज्योतिषदृष्ट्याही फेब्रुवारी महिना अतिशय महत्त्वाचा मानला गेला आहे. कारण या महिन्यात नवग्रहांपैकी तब्बल ६ ग्रहांच्या स्थितीत बदल होणार आहे. (february 2022 horoscope)

नवग्रहांपैकी स्थिती बदल होणाऱ्या ग्रहांमध्ये गुरु, मंगळ, शुक्र, सूर्य, बुध आणि शनी या ग्रहांचा समावेश आहे. नवग्रहांचा राजा सूर्य मकर राशीतून कुंभ राशीत प्रवेश करणार आहे. तर, मंगळ आणि शुक्र ग्रह गुरुचे स्वामित्व असलेल्या धनु राशीतून शनीचे स्वामित्व असलेल्या मकर राशीत विराजमान होतील. (planet change position in february 2022)

मकर राशीत झालेला शनी अस्त फेब्रुवारी महिन्यात उदय होईल. यासह वक्री झालेला बुध मार्गी होईल. या महिन्यातील महत्त्वाची घडामोड म्हणजे शेवटच्या आठवड्यात गुरु कुंभ राशीत अस्त होईल. (planet position in february 2022)

ज्योतिषीय स्थितीबदलाचा सर्व राशींवर प्रभाव दिसून येईल. मात्र, यातील ५ राशीच्या व्यक्तींना या स्थितीबदलांचा लाभ होणार आहे. नेमक्या कोणत्या राशीच्या व्यक्तींसाठी शुभ योग जुळून येऊ शकतील, ते जाणून घेऊया...

फेब्रुवारीतील ग्रहांचे स्थितीबदल मेष राशीच्या व्यक्तींना सुखद आणि लाभप्रद ठरू शकतील. या कालावधीत आत्मविश्वासात वाढ होईल. मेहनत आणि सातत्य यांच्या जोरावर यश, प्रगतीचे मार्ग प्रशस्त करू शकाल. व्यवसाय, उद्योगातील व्यक्तींनाही लाभदायक काळ ठरू शकेल. आर्थिक लाभाचे उत्तम योग जुळून येऊ शकतील. विद्यार्थी वर्गाला अनेक चांगल्या संधी मिळतील. स्वतःच्या तसेच कुटुंबातील सदस्यांच्या आरोग्याची काळजी घ्यावी, असा सल्ला दिला जात आहे.

फेब्रुवारीतील ग्रहांचे स्थितीबदल वृषभ राशीच्या व्यक्तींसाठी अनुकूल ठरू शकतील. करिअरमध्ये प्रगती साध्य होऊ शकेल. नव्या नोकरीच्या शोधात असलेल्यांना चांगल्या संधी मिळतील. व्यवसाय, उद्योगात लाभ मिळू शकेल. कामानिमित्त प्रवास घडू शकतील. जमीन, मालमत्ता यांची कामे मार्गी लागू शकतील. कुटुंबातील वातावरण आनंदी राहू शकेल. गुंतवणुकीतून उत्तम रिटर्न मिळू शकतील.

फेब्रुवारीतील ग्रहांचे स्थितीबदल तूळ राशीच्या व्यक्तींना सकारात्मक ठरू शकेल. बुद्धी आणि कौशल्य विकास वृद्धिंगत होईल. कार्यक्षेत्रात प्रगती करण्याची संधी मिळेल. कार्यालयात अतिरिक्त जबाबदारी अंगावर पडू शकेल. अडकलेली कामे मार्गी लागतील. नोकरदार वर्गाला उत्तम कालावधी. हितशत्रू, विरोधकांपासून सावध राहण्याचा सल्ला दिला जात आहे.

फेब्रुवारीतील ग्रहांचे स्थितीबदल मकर राशीच्या व्यक्तींसाठी लाभदायक ठरू शकेल. आर्थिक आघाडी मजबूत राहू शकेल. येणी वसूल होऊ शकतील. भेटवस्तू मिळू शकतील. घरातील अडकलेली कामे मार्गी लागू शकतील. कुटुंबातील सदस्यांचे संपूर्ण सहकार्य लाभेल. कामे पूर्ण झाल्याशिवाय योजना कोणाहीसमोर उघड करू नयेत, असा सल्ला दिला जात आहे.

फेब्रुवारीतील ग्रहांचे स्थितीबदल मीन राशीच्या व्यक्तींना शानदार ठरू शकेल. कार्यक्षेत्रात सक्रीय राहून वेळेवर काम करण्यावर भर द्यावा. पर्यटन, परिवहन क्षेत्रात कार्यरत असलेल्यांना उत्तम लाभ मिळू शकतील. सरकारी क्षेत्रातील व्यक्तींना पद, प्रतिष्ठा, मान-सन्मान वृद्धिंगत होऊ शकेल. आर्थिक आघाडीवर प्रगती होऊ शकेल. जुन्या गुंतवणुकीतून चांगले रिटर्न मिळू शकतील. जोडीदाराशी असलेले नातेसंबंध अधिक दृढ होतील. मात्र, आहार योग्य ठेवावा आणि आरोग्याची काळजी घ्यावी, असा सल्ला दिला जात आहे.