गुरु स्वराशीत मार्गी: ‘या’ ५ राशींना गुरुचे वरदान; नशिबाची पूर्ण साथ, भाग्योदयाचा काळ!

गुरुचे स्वराशीत मार्गी होणे शुभ मानले गेले असून, काही राशीच्या व्यक्तींना हा काळ लाभदायक ठरू शकतो. कोणत्या आहेत त्या लकी राशी? जाणून घ्या...

नवग्रहांचा गुरु म्हणजेच बृहस्पति ग्रह स्वराशीत मार्गी होत आहे. २४ नोव्हेंबर रोजी गुरु आपलेच स्वामित्व असलेल्या मीन राशीत मार्गी होणार आहे. ज्योतिषीय दृष्टिकोनातून गुरुचे मार्गी होणे शुभ मानले जाते. (guru margi in meen rashi november 2022)

गुरु मीन राशीचा स्वामी असून, तो एक शुभ ग्रह मानला जातो. जेव्हा गुरू ग्रह मार्गी होतो, तेव्हा तो सुख देतो आणि त्याच्या शुभ परिणामांचा लाभ होतो, अशी मान्यता आहे. नोव्हेंबर महिन्यात अनेक शुभ योग जुळून येत असून, गुरु मार्गी होणेही अनेक राशींसाठी लाभदायक मानले गेले आहे. (jupiter direct in pisces november 2022)

ज्योतिषशास्त्रात, देवगुरू बृहस्पती देवांचे गुरु मानले गेले आहेत. ज्ञान, विज्ञान, विद्या, सौभाग्य यांचे स्वामीत्व गुरुकडे असल्याचे सांगितले जाते. नवग्रहांपैकी महत्त्वाचा मानला गेलेला गुरु शिक्षण, पैसा, कौटुंबिक आनंद, समाधान अशा गोष्टींवर प्रभाव पाडणारा असतो, असे म्हटले जाते. २९ जुलै २०२२ रोजी गुरु मीन राशीत वक्री झाला होता.

गुरु मीन राशीत मार्गी झाल्याचा देशात आणि जगात शुभ प्रभाव वाढेल. गुरु मार्गी होणे अनेक राशींसाठी शुभ ठरणार असल्याचे सांगितले जात आहे. गुरु मार्गी होण्याचा कोणत्या राशींना फायदा मिळेल? कोणत्या राशी लकी ठरतील? जाणून घेऊया...

वृषभ राशीच्या व्यक्तींना गुरुचे मार्गी होणे अनुकूल ठरू शकेल. भावंडांशी संबंध चांगले राहतील. नोकरदार लोकांच्या करिअरमध्ये चांगली प्रगती होईल. कार्यक्षेत्रातील सहकारी आणि अधिकारी यांचे पूर्ण सहकार्य मिळेल. स्वतःचा व्यवसाय सुरू करण्याचा विचार करत असाल तर हा काळ खूप अनुकूल असेल. जोडीदाराशी संबंध चांगले राहतील.

कर्क राशीच्या व्यक्तींना गुरुचे मार्गी होणे सकारात्मक ठरू शकेल. करिअरमध्ये तुमचा आलेख उंचावत राहील. अनेक चांगल्या संधी मिळतील. परदेशात काम करण्याची इच्छा असणाऱ्यांसाठी हा काळ खूप अनुकूल असेल. व्यवसायात गुंतवणूक करण्याचा विचार करत असाल तर भविष्यात सकारात्मक परिणाम मिळू शकतील. व्यवसायातील भागीदाराचे पूर्ण सहकार्य मिळेल. जोडीदार आणि कुटुंबातील सदस्यांशी संबंध खूप सौहार्दपूर्ण असतील.

कन्या राशीच्या व्यक्तींना गुरुचे मार्गी होणे अनुकूल ठरू शकेल. व्यावसायिक आणि सामाजिक जीवनात अनुकूल परिणाम मिळतील. स्वतःचा व्यवसाय करायचा असेल किंवा व्यवसाय वाढवण्याचा विचार करत असाल तर तुम्हाला अनेक चांगले परिणाम मिळतील. पैशांची बचत करणे शक्य होऊ शकेल. काही योजनांमध्ये गुंतवणूकही करू शकता. जोडीदारासोबत कुठेतरी बाहेर जाण्याची योजना बनवू शकता. तुमच्यातील प्रेम आणि समजूतदारपणा वाढेल.

वृश्चिक राशीच्या व्यक्तींना गुरुचे मार्गी होणे लाभदायक ठरू शकेल. कार्यक्षेत्रात अनेक संधी मिळतील. मित्रांचे सहकार्य मिळेल. नोकरी बदलण्याचा विचार करत असाल तर तुम्हाला अनेक संधी मिळतील. स्वतःचा व्यवसाय सुरू करण्याचा विचार करत असाल तर चांगले यश मिळू शकेल. करिअरच्या प्रगतीसाठी परदेशात जाण्याची संधी मिळेल. पैशाचा ओघ चांगला राहील.

कुंभ राशीच्या व्यक्तींना गुरुचे मार्गी होणे यशकारक ठरू शकेल. मेहनतीचे उत्तम फळ मिळू शकेल. मनोवांच्छित इच्छा पूर्ण होऊ शकतील. कामाच्या ठिकाणी तुमच्या मेहनतीची अधिकाऱ्यांकडून प्रशंसा होईल. प्रगतीच्या नवीन संधी मिळतील. ज्या लोकांना परदेशात जायचे आहे त्यांनाही सकारात्मक परिणाम मिळतील. भागीदारीत काम करणाऱ्यांना चांगले लाभ होतील. सहकार्यही पूर्ण होईल. - सदर माहिती सामान्य गृहीतके आणि ज्योतिषीय मान्यतांवर आधारित असून, संबंधित विषयासंदर्भात संबंधित तज्ज्ञ व्यक्तींचा सल्ला उपयुक्त ठरू शकेल, असे सांगितले जात आहे.