Guru Uday 2022: गुरु उदय: ‘या’ ३ राशीच्या व्यक्तींना गुरुचे मिळतील शुभाशिर्वाद; लाभदायक कालावधी

Guru Uday 2022: गुरुच्या कुंभ राशीतील या स्थितीबदलाचा नेमक्या कोणत्या राशीच्या व्यक्तींना फायदा मिळू शकेल? जाणून घ्या...

नवग्रहांचा गुरु मानला गेलेला बृहस्पती म्हणजेच गुरु ग्रह आताच्या घडीला कुंभ राशीत विराजमान आहे. सूर्याच्या मीन राशीतील प्रवेशामुळे गुरु आता उदय होणार आहे. फेब्रुवारी महिन्यात गुरु ग्रहाचा अस्त झाला होता. (Guru Uday 2022)

ज्योतिषशास्त्रानुसार जेव्हा जेव्हा एखादा ग्रहाचा अस्त किंवा उदय होतो. तेव्हा त्याचा थेट परिणाम मानवी जीवनावर होतो. नवग्रहांमध्ये गुरु हा शुभकार्यांचा कारक मानला जातो. एखाद्या ग्रहाचा अस्त किंवा उदय ही खगोलीय घटना असली, तरी ज्योतिषशास्त्रात याला अनन्य साधारण महत्त्व आहे. (Guru Uday in Kumbha Rashi 2022)

गुरुचा कुंभ राशीत २३ मार्च रोजी उदय होणार आहे. गुरु ग्रहाचा संबंध शिक्षक, मुले, मोठा भाऊ, शिक्षण, धार्मिक कार्य, गुरु ज्ञान, पवित्र स्थान, संपत्ती, दान, पुण्य याच्याशी निगडीत मानला जातो. गुरु अस्तामुळे महिनाभर शुभकार्यासाठी मुहूर्त नव्हते, असे म्हटले गेले आहे.

गुरु ग्रह धनु आणि मीन राशीचा स्वामी आहे. कर्क ही गुरु ग्रहाची उच्च स्थान असलेली राशी आहे. तर मकर ही गुरुची नीच राशी आहे. ज्योतिषशास्त्रानुसार, गुरु ग्रहाची कृपा असलेल्या व्यक्तीमध्ये सात्विक गुण विकसित होतात. गुरु प्रभावामुळे माणूस सत्याच्या मार्गावर चालतो आणि या व्यक्तींचा कल अध्यात्माकडे वाढतो, असे सांगितले जाते.

गुरुचा उदय होणे म्हणजे गुरु सूर्य ग्रहाच्या अतिशय जवळून मार्गक्रमण करतो. २३ फेब्रुवारी रोजी अस्ताला गेलेला गुरु आता महिनाभराने उदय होत आहे. गुरु उदयाचा सर्व राशींवर प्रभाव पडणार असला, तरी केवळ तीन राशी अशा आहेत, ज्यांना गुरुचा हा स्थितीबदल लाभदायक ठरणार आहे. जाणून घ्या...

गुरुचा उदय मेष राशीच्या व्यक्तींना लाभदायक ठरू शकेल. आगामी कालावधीत उत्पन्नात वाढ होऊ शकते. उत्पन्नाचे नवीन स्रोत निर्माण होऊ शकतात. याशिवाय व्यवसायात फायदा होऊ शकतो. तसेच आरोग्य उत्तम राहू शकेल.

गुरुचा उदय कन्या राशीच्या व्यक्तींना भाग्यकारक ठरू शकेल. नशीबाची उत्तम साथ लाभेल. भाग्य उजळेल. या राशीच्या लोकांसाठी आगामी काळ खूप शुभ असणार आहे. या काळात नवीन संधीही मिळण्याची शक्यता आहे. नवीन गोष्टी शिकायला मिळतील तसेच शिक्षणाशी संबंधित लोकांसाठी हा काळ खूप अनुकूल असणार आहे.

गुरुचा उदय तूळ राशीच्या व्यक्तींना फायदेशीर ठरू शकेल. आगामी कालावधीत आर्थिक स्थितीत सुधारणा होऊ शकते. प्रदीर्घ प्रलंबित कामे पूर्ण होऊ शकतात. अडकलेला पैसा परत मिळू शकेल. तुमच्या कामाचे वरिष्ठ किंवा वडीलधाऱ्यांकडून कौतुक होऊ शकते. तसेच या काळात कोणताही निर्णय घाईत घेऊ नका, नुकसान होऊ शकते. तब्येतीची काळजी घ्यावी.