एप्रिलमध्ये हंस योग, धनराज योग आणि धनराशी योगांचा मेळ होणार; 'या' चार राशींना नवे आर्थिक वर्ष फळणार!

नवे हिंदू वर्ष सुरु झाल्यापाठोपाठ नवे आर्थिक वर्षही सुरु झाले आहे. आर्थिक घडी बसेपर्यंत आयुष्याची घडी बसणे अवघड असते. म्हणून आपले सारे लक्ष जमा खर्चाकडे असते. अशात दिलासादायक बाब म्हणजे ज्योतिष शास्त्रानुसार जुळून आलेला धनराशी योग! हा योग कधी आहे आणि कोणासाठी अनुकूल आहे ते जाणून घेऊ.

ज्योतिषशास्त्रात ९ ग्रह आणि नक्षत्रांच्या स्थितीच्या गणनेच्या आधारे भविष्य वर्तवले जाते. त्यांच्या स्थितीत थोडासा बदल देखील सर्व १२ राशींच्या मूळावर परिणाम करतो. या एप्रिल महिन्यात ९ ग्रह राशी बदलणार आहेत. ग्रहांच्या स्थितीत एवढ्या मोठ्या उलथापालथीचा मोठा परिणाम होईल. ज्योतिष शास्त्रात एप्रिल महिन्यात एवढ्या मोठ्या प्रमाणावर होणारे बदल खूप महत्वाचे मानले जात आहेत.

एप्रिल २०२२ मध्ये चंद्राच्या राशी बदलाने ग्रहांचे परिवर्तन सुरू झाले आहे. आता ७ एप्रिलला मंगळ, ८ एप्रिलला बुध, १२ एप्रिलला राहू-केतू, १४ एप्रिलला गुरू, तसेच १४ एप्रिलला सूर्य बदलेल. यानंतर २७ एप्रिलला शुक्र आणि २९ एप्रिलला शनि राशीत बदल होईल. या परिस्थितीमुळे ४ राशींच्या कुंडलीत हंस योग, धन राज योग, राज योग यांसारखे अत्यंत शुभ योग तयार होतील. त्यामुळे या लोकांना भरपूर पैसे मिळतील.

मेष :

या ९ ग्रहांचे संक्रमण मेष राशीच्या लोकांसाठी शुभ परिणाम देणारे आहे. या राशीच्या लोकांच्या कुंडलीत हंस योग आणि रंजक योग अतिशय शुभ मानले जातील. हे योग त्यांना नोकरी आणि व्यवसायात उत्तुंग यश मिळवून देतील. नवीन नोकरी मिळू शकते. त्याचबरोबर व्यावसायिक कोणतेही नवीन काम सुरू करू शकतील. या राशीच्या लोकांसाठी हा संपूर्ण महिना खूप शुभ राहील.

वृषभ :

वृषभ राशीच्या लोकांच्या कुंडलीत ग्रहांच्या राशीतील बदलामुळे शुभ धन राज योग निर्माण होत आहे. या राशीच्या लोकांना हा योग जोरदार आर्थिक लाभ देईल. विशेषत: व्यावसायिकांना खूप फायदा होईल. परदेशातून पैसे मिळू शकतात. नशिबाच्या साथीने तुम्हाला प्रत्येक गोष्टीत यश मिळेल.

मिथुन :

मिथुन राशीच्या कुंडलीत राज योग तयार होत आहे, जो या राशीच्या लोकांना खूप प्रगती देईल. नोकरी शोधणाऱ्यांना बढती-वाढ मिळेल, तर व्यावसायिकांना मोठा नफा मिळू शकेल. गुंतवणुकीसाठी हा काळ चांगला आहे.

धनु :

धनु राशीच्या लोकांच्या कुंडलीतही राजयोग तयार होत आहे. हा योग त्यांना नवीन घर आणि कार खरेदी करण्यासोबतच धनप्राप्तीचा योग देत आहे. या राशीच्या लोकांसाठी २९ एप्रिल नंतरचा काळ देखील चांगला राहील कारण त्यांना शनिदेवाच्या साडेसातीपासून मुक्ती मिळेल.