फेंग शुई नुसार घरात लांब-रुंद पानांची रोपं लावण्याचे ५ फायदे जाणून घ्या!

फेंग शुई हे चीनचे वास्तुशास्त्र आहे. यामध्ये इमारतीच्या बांधकामाविषयी आणि इमारतीत ठेवलेल्या पवित्र वस्तूंची सविस्तर माहिती देण्यात आली आहे. फेंग आणि शुईचा शाब्दिक अर्थ हवा आणि पाणी आहे. हे शास्त्र देखील भारतीय वास्तू शास्त्राप्रमाणे पंचमहाभूतांवर अवलंबून आहे. या शास्त्रानुसार जाणून घेऊया लांब पानांची रोपे घरात ठेवण्याचे फायदे.

अनेक प्रकारच्या वनस्पतींना रुंद पाने असतात. बागेत आपण रोपं लावतोच, परंतु घराच्या कोपऱ्यात, खिडकीत, हॉल मध्ये लावलेली रोपं घराचा देखावा अधिक आकर्षित करतात. त्यासाठी विशेषतः सावलीत वाढणारी रोपं मिळतात. घराच्या सुशोभीकरणासाठी आपण त्याचा वापर करू शकतो. फेंगशुई शास्त्र सांगते, ही रोपं केवळ आकर्षक नाही, तर लाभदायक देखील असतात. कशी ते पाहू!

हिरवीगार, टवटवीत रोपं डोळ्यांना आणि मनाला तजेला देतात. फेंगशुई नुसार लांब आकाराच्या पानांची रोपं घरात आनंद आणतात. यामुळे घराचा प्रत्येक कोपरा उत्साहाने भरून जातो.

अशा रोपांची रुंद पानं घरातील नकारात्मक ऊर्जा शोषून घेतात. तसेच प्राणवायू सोडून वातावरणात प्रसन्नता निर्माण करतात.

घराचा आग्नेय कोपरा संपत्ती आणि समृद्धीचा कोपरा मानला जातो, म्हणून विशेषतः येथे रुंद पानांची झाडे लावावीत.

घरात जेवढी आकर्षक रोपं असतात, तेवढी घरात वेगाने प्रगती होते. म्हणून आपले घर तसेच आजूबाजूचा परिसर निसर्गसंपन्न ठेवण्याचा नेहमी प्रयत्न करावा.

घरात तणावाचे वातावरण राहत असेल, तर हिरव्यागार वेली, छोटी रोपं, लांब रुंद पानांची रोपं, आकर्षक फुलझाडांचा वापर करावा. त्यामुळे घरातील ताण तणाव कमी होण्यास मदत होते.