मंगळ मार्गी: ‘या’ ५ राशींना शुभ-लाभ, मकर संक्रांत फलदायी; मंगलमय काळाला सुरुवात!

जानेवारी महिन्यात मंगळ वृषभ राशीत मार्गी होत असून, हा काळ काही राशीच्या व्यक्तींना उत्तम ठरू शकेल. जाणून घ्या...

ज्योतिषशास्त्रानुसार, सन २०२३ हे वर्ष अनेकार्थाने विशेष ठरणार आहे. या वर्षीच्या पहिल्याच जानेवारी महिन्यात महत्त्वाचे राशीबदल, स्थानबदल होत आहे. नवग्रहांचा न्यायाधीश शनी मकर राशीतून कुंभ राशीत प्रवेश करेल. यासह बुध, शुक्र, सूर्य हे ग्रहही राशीपरिवर्तन करत आहेत. याचा प्रभाव सर्वच राशींवर पाहायला मिळू शकेल.

याच नवग्रहांचा सेनापती मानला गेलेला मंगळ ग्रह वृषभ राशीत मार्गी होणार आहे. १३ जानेवारी रोजी मंगळ ग्रह मार्गी होईल. ज्योतिषशास्त्रात, मंगळ हा धैर्य, ऊर्जा, शौर्य, शौर्य, भूमी यांचा कारक मानला जातो. मेष आणि वृश्चिक राशीचा स्वामी मंगळाच्या मार्गी चलनामुळे वृषभ राशीत मंगळाच्या शुभ प्रभावाचा लाभ भारतासह जगातील सर्व देशांवर दिसून येईल.

मंगळाच्या मार्गी चलनाचा सर्व राशींवर प्रभाव दिसून येईल. मात्र, ५ राशी अशा आहेत, ज्यांना मंगळाच्या मार्गी चलनाचे शुभ लाभ प्राप्त होऊ शकतील. नेमक्या कोणत्या राशीच्या व्यक्तींना मंगळाच्या मार्गी चलनाचा काळ फलदायी ठरू शकेल, ते जाणून घेऊया...

वृषभ राशीत मंगळ ग्रह मार्गी होत आहे. मंगळाच्या मार्गी चलनाचा या राशीच्या व्यक्तींना लाभ मिळू शकेल. या काळात इच्छा पूर्ण होतील. मित्रांसोबत लांबच्या प्रवासाला जाण्याची शक्यता आहे. व्यवसायात कोणतीही महत्त्वाची योजना राबविण्यासाठी वेळ अनुकूल आहे. कुटुंबाचे पूर्ण सहकार्य मिळेल. स्पर्धा परीक्षांना बसणाऱ्या विद्यार्थ्यांना त्यांच्या मेहनतीचे फळ मिळेल. वैवाहिक जीवनात गोडवा राहील.

सिंह राशीच्या व्यक्तींना मंगळाचे मार्गी चलन सकारात्मक ठरू शकेल. कामाच्या ठिकाणी सुरू असलेले वाद मिटतील. आर्थिक दृष्टीकोनातून आगामी काळ सकारात्मक परिणाम देईल. नवीन ऑर्डर किंवा टेंडरसाठी अर्ज करायचा असेल तर वेळ अनुकूल असेल. प्रामाणिकपणा आणि कठोर परिश्रमाने ध्येय आणि उद्दिष्टे साध्य करू शकाल. कौशल्य दाखवण्याची संधी मिळेल. नोकरदारांना शुभ फळ मिळेल.

वृश्चिक राशीच्या व्यक्तींना मंगळाचे मार्गी चलन शुभ ठरू शकेल. या काळात धार्मिक तसेच सामाजिक कार्यात सहभागी होऊ शकाल. व्यवसाय विस्तारासाठी केलेल्या योजना पूर्ण करण्यासाठी वेळ चांगला आहे. नोकरी बदलाची योजना आखत असाल तर यश मिळेल. आर्थिकदृष्ट्या सकारात्मक परिणाम मिळतील. करिअरमधील प्रगतीसाठी योजनांचा नव्याने आढावा घेणे उपयुक्त ठरू शकेल.

धनु राशीच्या व्यक्तींना मंगळाचे मार्गी चलन गुंतवणुकीच्या दृष्टीने फायदेशीर सिद्ध होईल. कोणतेही कार्य पूर्ण करण्यासाठी उत्साही असाल. आत्मविश्वास वाढेल. नोकरीच्या शोधात असलेल्या तरुणांच्या इच्छा पूर्ण होऊ शकतात. गुंतवणुकीचे समाधानकारक परिणामही मिळतील. काही नवीन जबाबदाऱ्या येऊ शकतात. निर्णय घेताना काळजीपूर्वक विचार करा.

मीन राशीच्या व्यक्तींना मंगळाचे मार्गी चलन अनुकूल ठरेल. व्यक्तिमत्वात खूप बदल होईल. लोक तुमच्या बोलण्याने आणि वागण्याने खूप खुश होतील. आत्मविश्वासाने कामे कराल. ती पूर्ण करण्यात यशस्वी व्हाल. करिअरमध्ये चांगले यश मिळेल. कुटुंबातील सदस्यांसोबत चांगला वेळ घालवाल. तुम्ही घेतलेले स्मार्ट निर्णय सकारात्मक ठरू शकतील.

जानेवारी महिन्यातील एकूणच ग्रहस्थितीचा प्रभाव राशींसह देश दुनियेवर पडू शकेल, असे सांगितले जात आहे. - सदर माहिती सामान्य गृहीतके आणि ज्योतिषीय मान्यतांवर आधारित असून, यासंदर्भात तज्ज्ञ व्यक्तींचा सल्ला घेणे उपयुक्त ठरू शकेल, असे सांगितले जात आहे.