Palmistry: तुमच्या तळहातावर कमळाचे चिन्ह आहे की धनुष्यबाण, यावरून ठरेल २०२४ चे भविष्य!

Palmistry: १३ डिसेंबरपासून मार्गशीर्ष महिमा सुरू झाला आहे. या महिन्याला केशव मास असेही म्हणतात. यानिमित्ताने आपण श्रीकृष्णाच्या तळ हातावर जी शुभ चिन्हे होती ती आपल्या हातावरही असल्यास काय लाभ होईल ते सामुद्रिक शास्त्राच्या मदतीने जाणून घेऊ! ही मंगल चिन्हे होती आपल्याही शरीरावर असतील तर ते भाग्याचे लक्षण आहे असे समजायला हरकत नाही! त्या अनुषंगाने येत्या वर्षाचे भविष्य जाणून घेऊ आणि तसे घडवू!

ही चिन्हे एखाद्याच्या शरीरावर असतील तर ती व्यक्ती खूप भाग्यवान असते. ही शुभ चिन्हे व्यक्तीला अत्यंत श्रीमंत, समृद्ध बनवतात. असे लोक देशात आणि जगात प्रसिद्ध होतात आणि सर्व सुख प्राप्त करतात. चला जाणून घेऊया या शुभ चिन्हांबद्दल.

शंख- हिंदू धर्मात शंख अत्यंत शुभ मानला जातो. माता लक्ष्मीलाही तो खूप प्रिय आहे. भगवान श्रीकृष्णाच्या पायाच्या तळव्यावर शंखाची खूण होती असेही मानले जाते. यासोबतच त्यांनी हातातही शंख धरला आहे. त्यामुळे ज्यांच्या तळहातावर किंवा तळपायावर शंखाची खूण असते ते खूप भाग्यवान असतात. त्यांना आयुष्यात अमाप पैसा आणि प्रसिद्धी मिळते.

अर्धचंद्र - श्रीकृष्णाच्या दोन्ही हात जोडले असता अर्धचंद्राचे चिन्ह तयार होते असे. चन्द्र हा शीतलता आणि वैवाहिक सुख देणारा मानला जातो. भगवान शिवानेदेखील कपाळावर अर्धचंद्र धारण केला आहे. त्यामुळे ज्या लोकांचे दोन्ही तळहात जोडून अर्ध चंद्राची रेघा पूर्ण दिसते अशा लोकांना प्रेमासाठी झुरत बसावे लागत नाही.

माशाची खूण- श्रीकृष्णाच्या तळहातावर आणि तळपायावर माशाचे चिन्ह होते. ज्यांच्या अंगावर माशाची खूण असते, त्यांच्यावर माता लक्ष्मीची कृपा आयुष्यभर राहते. या लोकांकडे भरपूर पैसा असतो, त्याचप्रमाणे त्यांना खूप प्रतिष्ठाही मिळते.

धनुष्य किंवा बाण- हातावर किंवा पायावर धनुष्य बाणाचे चिन्ह असणे देखील खूप शुभ मानले जाते. अशा लोकांना संघर्ष करावा लागतो पण ते जीवनात मोठे यश मिळवतात.

हातावर तीळ- हातावर तीळ असणे खूप चांगले मानले जाते. असे लोक कठोर परिश्रम करून श्रीमंत होतात. काही लोकांना वारसाहक्काने भरपूर संपत्तीही मिळते. असे लोक सुखी वैवाहिक जीवन जगतात.