सर्वार्थ सिद्धी पंचग्रही योगात प्रकट दिन: ९ राशींवर स्वामीकृपा, धनलाभ योग; इच्छापूर्ती काळ!

Shree Swami Samarth Prakat Din 2025 Astrology: श्री स्वामी समर्थ महाराज प्रकट दिनाच्या दिवशी अतिशय शुभ योग जुळून आले असून, याचा अनेक राशींना सकारात्मक अनुकूल प्रभाव पडू शकतो, असे सांगितले जाते. जाणून घ्या...

Shree Swami Samarth Prakat Din 2025: हिंदू नववर्षाला सुरुवात झाली आहे. नववर्ष सुरू होतानाच अतिशय शुभ, दुर्मिळ, दुर्लभ योग जुळून आले आहेत. ग्रहांच्या गोचरामुळे अनेक राजयोग जुळून आलेले आहेत. ३१ मार्च २०२५ रोजी श्री स्वामी समर्थ महाराजांचा प्रकट दिन आहे. याच दिवशी मार्च महिन्याची सांगता होत आहे. श्री स्वामी समर्थ प्रकट दिनाचे औचित्य साधून स्वामींची विशेष पूजा, विशेष स्वामी सेवा, नामस्मरण, मंत्रांचे जप, स्तोत्रांचे पठण यांसह अनेक धार्मिक, सांस्कृतिक कार्यक्रमांचे आयोजन मोठ्या उत्साहात केले जाते.

चैत्र शुद्ध द्वितियेला स्वामी समर्थ महाराजांचा प्रकट दिन मानला जातो. गेल्या काही दिवसांपासून मीन राशीत पंचग्रही योग जुळून आला आहे. आताच्या घडीला मीन राशीत सूर्य, शनि, बुध, शुक्र, राहु आणि नेपच्युन हे ग्रह विराजमान आहेत. मीन राशीतील ग्रहांच्या स्थितीचा अनेक राशींना सर्वोत्तम लाभ मिळणार असल्याचे सांगितले जात आहे.

तसेच चंद्र मेष राशीत असणार आहे. सूर्य रेवती नक्षत्रात प्रवेश करणार आहे. तसेच सर्वार्थ सिद्धी योग, अश्विनी नक्षत्राचा शुभ योग जुळून आलेला आहे. एकंदरीत ग्रहमान पाहता श्री स्वामी समर्थ महाराजांचा प्रकट दिन तसेच ग्रहांची विद्यमान स्थिती नेमकी कोणत्या राशींसाठी फायदेशीर ठरू शकेल? कोणत्या राशींना शुभ लाभ प्राप्त होऊ शकतील? जाणून घेऊया...

वृषभ: धनलाभ होण्याच्या दृष्टीने चांगला काळ आहे. फायदा होईल. व्यापारात चांगली प्रगती करता येईल. काही प्रश्न मार्गी लागतील. अध्यात्माकडे कल वाढेल. भेटवस्तू व विविध प्रकारचे लाभ होतील. भाग्याची साथ लाभेल. एखादी आनंदाची बातमी मिळू शकते. सामाजिक क्षेत्रात प्रतिष्ठा वाढेल.

मिथुन: अपेक्षेपेक्षा जास्त प्रमाणात यश मिळेल. . घरात उत्साही वातावरण राहील. जवळच्या मित्रांच्या गाठी पडतील. व्यापारात चढ-उतार जाणवतील. पैसे गुंतवताना काळजी घ्यावी. कामाच्या ठिकाणी आपली पत सांभाळावी. अडलेली कामे मार्गी लागतील. नोकरी आणि कामाच्या बाबतीत फायदा आणि प्रगतीची संधी मिळू शकेल. सहकाऱ्यांकडून पाठिंबा आणि सहकार्य मिळेल. एखादी इच्छा पूर्ण होऊ शकेल.

कर्क: एखाद्या चांगल्या बातमीमुळे मन आनंदून जाईल. जोडीदाराच्या कलाने घ्यावे लागेल. लहान-सहान गोष्टीचा विपर्यास करू नका. कामानिमित्त प्रवास करावा लागेल. चित्त स्थिर ठेवावे लागेल. नवीन नोकरीच्या शोधात असलेल्यांना मुलाखतीचे बोलावणे येण्याची शक्यता आहे. सुख-समृद्धी वाढू शकेल. नवीन योजना आणि काम सुरू करू शकता. चातुर्य आणि हुशारीने फायदा होऊ शकतो. राजकीय आणि सामाजिक कार्यात सहभागी असलेल्या लोकांचा प्रभाव आणि आदर वाढेल. वडिलोपार्जित मालमत्तेतून तुम्हाला फायदा होऊ शकतो.

कन्या: काहींना अचानक धनलाभ होईल. स्वत:कडे दुर्लक्ष करू नये. अति धाडस करू नये. बुद्धिमत्तेचा आणि कार्यक्षमतेचा फायदा होऊ शकेल. करिअरबद्दल मोठा निर्णय घेण्याची वेळ येऊ शकते. कामाच्या ठिकाणी प्रभाव आणि आदर वाढेल. अनपेक्षितपणे पैसे कमविण्याची संधी मिळू शकते. भेटवस्तू मिळू शकतात. भावंडांकडून अपेक्षित सहकार्य मिळू शकेल. काही नवीन मित्र बनू शकतात. कामाचे नियोजन सुरळीतपणे पूर्ण करू शकतील. भौतिक सुखसोयी मिळाल्याने आनंदी व्हाल.

तूळ: आनंददायी घडना घडू शकतील. ओळखींचे वर्तुळ विस्तारेल. काही चांगली मिळण्याची शक्यता आहे. भावंडांकडून फायदा आणि पाठिंबा मिळेल. एखादी इच्छा पूर्ण होऊ शकते. भौतिक सुखसोयी मिळाल्याने आनंद होईल. मित्रांकडे मदत मागितली तर ती सहज मिळू शकेल. मुलांकडूनही आनंद मिळू शकेल.

धनु: चांगले अनुभव येतील. कार्यक्षेत्रात तुमचे नाव होईल. घरात खेळीमेळीचे वातावरण राहील. मुले प्रगती करतील. आर्थिक लाभ होतील. गुंतवणुकीतून भविष्यातील फायदे मिळण्यावर भर राहू शकेल. वडिलांकडून आणि मोठ्या भावाकडूनही सहकार्य आणि लाभ मिळू शकेल. प्रॉपर्टी व्यवसायात गुंतलेल्या लोकांना चांगला सौदा मिळाल्याने आनंद होऊ शकेल.

मकर: मनात सकारात्मक विचार राहतील. समाजात मान वाढेल. व्यावसायिक उलाढाल वाढेल. चिकाटी सोडू नका. कामे मार्गी लागतील. शुभ आणि फलदायी काळ असेल. एखादी इच्छा पूर्ण होऊ शकते. परदेश प्रवास करण्याचा प्रयत्न करत असाल तर यश मिळू शकते. आर्थिक प्रयत्न यशस्वी होऊ शकतील. नोकरीत प्रभाव आणि महत्त्व वाढेल. मित्र आणि नातेवाईकांना भेटण्याची संधी मिळेल. एखादी चांगली बातमी मिळू शकेल. शुभकार्यात सहभागी होण्याची संधी मिळू शकते.

कुंभ: घरात खेळीमेळीचे वातावरण राहील. व्यवसायात अनुकूल वातावरण राहील. आध्यात्मिक बळ वाढेल. प्रलंबित काही कामे मार्गी लागतील. कार्यक्षेत्रात मोठी संधी मिळेल. आर्थिक लाभ होण्याची शक्यता आहे. बचतीची योजना बनवू शकता. कामाचा आणि मेहनतीचा फायदा मिळेल. काही महत्त्वाचे काम पूर्ण होऊ शकते. सुख-सोयींमध्ये वाढ झाल्यामुळे आनंदी असाल. वडिलांकडून फायदा होण्याची शक्यता आहे. आवडत्या भोजनाचा किंवा खाद्य पदार्थांचा आस्वाद घेऊ शकाल.

मीन: आर्थिक प्राप्तीचे प्रमाण चांगले राहील. मनावरील दडपण बाजूला सारावे. बोलण्याला धार येईल. स्वत:च्या मतावर आग्रही राहाल. मात्र कुणाच्या सांगण्यावरून मोठी गुंतवणूक करताना खबरदारी घ्यावी. दीर्घकालीन चिंता दूर होऊ शकते. सामाजिक क्षेत्रातील ओळखीचा लाभ मिळू शकतो. काही महत्त्वाचे काम पूर्ण झाल्याचा आनंद होईल. बुद्धिमत्तेचा आणि हुशारीचा फायदा मिळू शकेल. अनुभवी व्यक्तीचे मार्गदर्शन उपयुक्त ठरू शकते. एकंदरीत सुस्थिती राहील.

- सदर माहिती सामान्य गृहीतके आणि ज्योतिषीय मान्यतांवर आधारित असून, यासंदर्भात तज्ज्ञ व्यक्तींचा सल्ला घेणे उपयुक्त ठरू शकेल, असे सांगितले जात आहे.