राहु वक्री: २०२३ वर्ष ‘या’ ४ राशींना खास, धनलाभाचे शुभ योग; अपार कमाईची संधी, लाभच लाभ!

२०२३ मध्ये राहु वक्री चलनाने राशीपरिवर्तन करणार असून, काही राशींच्या व्यक्तींना आगामी वर्षात शुभ लाभ मिळू शकतात. जाणून घ्या...

ज्योतिषशास्त्रात राहु आणि केतु असे दोन ग्रह आहेत, जे कायम वक्री चलनाने मार्गक्रमण करत एका राशीतून दुसऱ्या राशीत प्रवेश करत असतात. हे दोन्ही ग्रह सुमारे दीड वर्ष एका राशीत विराजमान असतात. (rahu retrograde in 2023)

एखाद्या व्यक्तीच्या कुंडलीत राहु आणि केतु शुभ स्थानी असतील, तर प्रचंड लाभ देऊ शकतात, असे सांगितले जाते. विशेष म्हणजे हे दोन्ही ग्रह एकमेकांपासून समसप्तक स्थानांवर असतात. आताच्या घडीला राहु मंगळाचे स्वामित्व असलेल्या मेष राशीत तर केतु शुक्राचे स्वामित्व असलेल्या तूळ राशीत विराजमान आहेत. (rahu vakri 2023)

राहु आणि केतु हे दोन्ही ग्रह क्रूर आणि मायावी मानले जातात. सन २०२२ मध्ये एप्रिल महिन्यात राहु वृषभ राशीतून मेष राशीत तर केतु वृश्चिक राशीतून तूळ राशीत विराजमान झाला होता. पुढील वर्षी म्हणजेच सन २०२३ मध्ये राहु आणि केतु वक्री चलनाने राशीपरिवर्तन करणार आहेत.

पैकी राहुच्या वक्री चलनाचा काही राशींना उत्तम लाभ होऊ शकेल, असे म्हटले जात आहे. सन २०२३ मध्ये होत असलेल्या राहुच्या राशीपरिवर्तनाचा काही राशीच्या व्यक्तींना उत्तम लाभ होऊ शकतो असे सांगितले जात आहे. तुमची रास कोणती? जाणून घेऊया...

मिथुन राशीच्या व्यक्तींना राहुचे वक्री चलन लाभदायक ठरू शकेल. २०२३ मध्ये तुमची आर्थिक स्थिती खूप मजबूत असेल. येत्या वर्षभरात तुमच्या व्यवसायातही वाढ होईल. कौटुंबिक जीवन उत्तम असेल. नोकरदारांना बढतीचे योग आहेत. तुम्हाला फक्त तुमच्या कामावर लक्ष केंद्रित करून लक्ष केंद्रित करण्याची गरज आहे. समाजाशी निगडित शुभ कार्यावर पैसा खर्च होऊ शकतो. प्रवासामुळे भरपूर नफा मिळू शकेल.

कर्क राशीच्या व्यक्तींना राहुचे वक्री चलन अनुकूल ठरू शकेल. अचानक पैसे मिळाल्याने आर्थिक स्थिती सुधारू शकेल. तुमच्या करिअरमध्ये तुमच्यावर कामाचा अधिक दबाव असेल. तुमच्या मनातील कोणत्याही प्रकारचा गोंधळ तुम्हाला त्रास देईल. कमाईच्या संधी मिळाल्याने तुम्हाला पैशांची कमतरता भासणार नाही. तुम्हाला मित्र आणि नातेवाईकांचे भरपूर सहकार्य मिळत राहील. कौटुंबिक पातळीवर काही समस्यांमुळे त्रस्त होऊ शकाल.

वृश्चिक राशीच्या व्यक्तींना राहुचे वक्री चलन सकारात्मक ठरू शकेल. तुमचे विरोधक पराभूत होतील. तुमचे मनोबल वाढेल. आत्मविश्वासही वाढेल. तुमची आर्थिक बाजूही पूर्वीपेक्षा मजबूत होईल. करिअरमध्ये अचानक अशी संधी येऊ शकते ज्याचा तुम्ही खूप दिवसांपासून विचार करत आहात. मित्र आणि नातेवाईकांशी संबंध पूर्वीपेक्षा चांगले होतील.

कुंभ राशीच्या व्यक्तींना राहुचे वक्री चलन अत्यंत शुभ ठरू शकेल. व्यवसायात कोणतीही जोखीम घेतल्याने नफा मिळण्याची शक्यता वाढेल. करिअरमध्ये काही उत्तम संधी मिळू शकतात. परदेशात जाण्याच्या प्रयत्नात होते, त्यांना ही संधी मिळू शकते. तुमचा व्यवसाय परदेशाशी संबंधित असेल तर तुम्हाला त्यात चांगला नफा मिळेल. कुटुंबातील भावंडांचे पूर्ण सहकार्य मिळेल. मित्रांचाही उपयोग होईल. मात्र, ऐकीव गोष्टींवर विश्वास ठेवून कोणाशीही वाद घालू नका.

राहु आणि केतु २०२३ वर्षाच्या ऑक्टोबर महिन्यात वक्री चलनाने राशीपरिवर्तन करणार आहेत. - सदर माहिती सामान्य गृहितके आणि ज्योतिषीय मान्यतांवर आधारित असून, तुमच्या मूलांकाविषयी जाणून घेण्यासाठी तज्ज्ञ व्यक्तींचा सल्ला उपयुक्त ठरू शकेल, असे सांगितले जाते.