Raksha Bandhan 2022: रक्षाबंधनाच्या मुहूर्तावर मंगळाचे स्थलांतर पाच राशींचे करेल मंगलच मंगल!

Raksha Bandhan 2022: ज्योतिषशास्त्रानुसार, जेव्हा जेव्हा एखादा ग्रह रास बदलतो किंवा मागच्या राशीत जातो तेव्हा त्याचा प्रभाव सर्व राशींच्या लोकांवर दिसून येतो. त्याचे शुभ अशुभ परिणाम वेगवेगळ्या राशींच्या वाट्याला येतात. १० ऑगस्ट रोजी मंगळ ग्रह मेष राशीतून मार्गक्रमण करणार आहे. मंगळाचे संक्रमण देखील काही राशींसाठी वाईट तर काहींसाठी चांगले सिद्ध होईल.

रक्षाबंधनाच्या दिवशी भाऊ आपल्या बहिणीला तिच्या रक्षणाची हमी देतो. यंदा भावा बहिणांना मंगळ ग्रहाचे परिवर्तन संरक्षण कवच देईल. मंगळ ग्रहाच्या राशी परिवर्तनाच्या दुसऱ्या दिवशी अर्थात ११ ऑगस्ट रोजी श्रावण पौर्णिमा आहे. हा दिवस रक्षाबंधन म्हणून साजरा केला जातो. या उत्सवाच्या माहोलमध्ये पुढील पाच राशींना मिळणार आहे उत्तम ग्रहस्थितीचे कवच.

सिंह -

ज्योतिष शास्त्रानुसार मंगळाचे संक्रमण सिंह राशीसाठी शुभ ठरणार आहे. तुम्ही ज्या कामाची सुरुवात कराल त्यात तुम्हाला यश मिळेल. आर्थिक प्रगतीची शक्यता आहे. सकारात्मकता वाढल्यामुळे अपेक्षित यश, पद प्राप्त कराल.

वृषभ -

मंगळ वृषभ राशीसाठी मंगल ठरेल. या काळात शत्रूंचा पराभव होईल. उत्पन्नात वाढ होण्याची शक्यता आहे. त्याच वेळी, जर तुम्ही गुंतवणूक करण्याचा विचार करत असाल तर फायदा होईल. जुन्या वादातून सुटका होऊ शकते.

तूळ -

तूळ राशीच्या लोकांना या काळात धनलाभ होण्याची शक्यता आहे. नशिबाची पूर्ण साथ मिळेल. आर्थिक स्थिती सुधारेल आणि कायदेशीर बाबींमध्ये यश मिळेल. घरच्यांचा पाठिंबा मिळेल.

कर्क -

मंगळाचे संक्रमण कर्क राशीसाठी शुभ ठरेल. कोणत्याही जुन्या कर्जातून सुटका होऊ शकते. नोकरीत प्रमोशन मिळेल. उत्पन्नात वाढ होण्याची शक्यता आहे. कामाच्या ठिकाणी सर्वांचे सहकार्य मिळेल. परीक्षेची तयारी करणाऱ्या लोकांना चांगले यश मिळेल.

कुंभ -

प्रेम जीवनात नवीन ऊर्जेचा संचार होईल. विवाहेच्छुकांचे लग्न ठरेल. या दरम्यान नवीन वाहन किंवा घर खरेदीची शक्यता आहे. आर्थिक भरभराट होण्याची दाट शक्यता आहे.