Shravan Somwar Vrat 2022 : अवघ्या काही क्षणात घ्या ५२५ शिवलिंगाचे दर्शन आणि मिळवा १२ ज्योर्तिर्लिंग दर्शनाचे पुण्य!

Shravan Somwar Vrat 2022: श्रावणात शंकर पूजेला अधिक महत्त्व असते. त्यात आपल्याला जर १२ ज्योतिर्लिंगांचे दर्शन घेता आले तर उत्तमच. या १२ ज्योतिर्लिंगांइतकेच राजस्थान येथील कोटा येथे एक शिव धाम आहे. तिथे एक दोन नाही तर ५२५ शिवलिंग आहेत. त्यांच्या दर्शनाने १२ ज्योतिर्लिंगाचे दर्शन घेतल्याचे पुण्य मिळते असे म्हणतात. छायाचित्राच्या माध्यमातून त्या शिवालयाचे दर्शन घेऊया आणि बारा ज्योतिर्लिंगाच्या दर्शनाचे पुण्य गाठीशी बांधूया.

कोटा येथील शिव धाम अतिशय प्रचलित आहे. तिथे जाणारी व्यक्ती या शिवालयाचे दर्शन घेतल्याशिवाय पुढे जात नाही.

या शहरात आणखीही अनेक शिव मंदिरं आहेत परंतु या शिवधामात गेल्यावर वेगळीच प्रसन्नता जाणवत असल्याची भक्तांना प्रचिती येते.

५२५ शिवलिंग एका जागी असणारे हे भारतातील एकमेव मंदिर आहे. या व्यतिरिक्त नेपाळ येथील पशुपतीनाथ येथे ५२५ शिवलिंगाचे दर्शन होते.

येथील शिवलिंगाला अभिषेक केल्याने ५२५ शिवलिंगांच्या अभिषेकाचे पुण्य मिळते.

काही भक्तांना येथे शिवलिंगाची मोजणी केल्यावर ती केवळ ५२५ नसून एक हजार शिवलिंग असल्याची अनुभूती आली आहे. हा श्रद्धेचा आणि देवत्त्वाच्या प्रचितीचा भाग म्हटला पाहिजे.