Shravan Vrat 2021 : कालसर्प दोष आणि राहू केतूच्या वाईट प्रभावातून मुक्त होण्यासाठी नागपंचमीला करा 'हे' सोपे उपाय!

Shravan vrat 2021 : अनेकांना कुंडलीत कालसर्प दोष सांगितला जातो. त्याची शांती केली असता विविध प्रकारच्या अडचणी दूर होतात असे ज्योतिषशास्त्र सांगते. तसेच काही जणांना राहू केतू हे ग्रह देखील यशाच्या मार्गात अडथळे निर्माण करतात. त्यावर उपाय म्हणून नागपंचमीच्या दिवशी नागदेवतेची पूजा केली जाते. ही पूजा केल्यामुळे ग्रहदोषातून सुटका होते. हे उपाय साधे सोपे असल्यामुळे तुम्ही सुद्धा हा प्रयोग अवश्य करून पहा. मात्र ते करताना शुद्ध मनाने आणि शुद्ध आचरणाने पूजा व्रत विधी करा. ते उपाय पुढीलप्रमाणे -

नागमूर्तीला दुधाचा अभिषेक करा. हा अभिषेक करताना ओम नमः शिवाय या मंत्राचा १०८ वेळा जप करा.

अंघोळ झाल्यावर शंकराला बेल वाहून सर्पमुर्तीला गंध लावून नवनाग स्तोत्राचे भक्तिभावाने पठण करा.

एखाद्या शिव मंदिरात तांब्याची किंवा पितळ्याची सर्पाकृती शिवलिंगावर अर्पण करा.

तांब्याच्या कलशात पाणी भरून त्यात तांब्याची किंवा पितळ्याची सर्पाकृती टाकून ते पाणी वाहत्या पण स्वच्छ नदीत सोडा.

नागपंचमीच्या दिवशी देवघरात राहू यंत्र आणि कालसर्पदोष असल्यास कालसर्प यंत्र आणून त्याची गंध, अक्षता वाहून पूजा करावी आणि आपल्या मार्गातील अडथळे दूर व्हावेत अशी नागदेवतेला प्रार्थना करावी.