Vastu Shastra: कोरफड फक्त त्वचाच नाही तर भाग्यही उजळते; जाणून घ्या तिचा सुयोग्य वापर!

Vastu Tips: कोरफड ही झटपट वाढणारी आणि गुणकारी औषधी वनस्पती म्हणून ओळखली जाते. म्हणून अनेक घरात बगिच्याची लागवड करताना कोरफड आवर्जून लावली जाते. केस, त्वचा, वजन नियंत्रणाच्या दृष्टीने कोरफड उपयोगी आहेच, पण इथे आपण वास्तुशास्त्राच्या दृष्टीनेही तिचे महत्त्व जाणून घेणार आहोत.

वास्तुशास्त्रात दैनंदिन उपयोगाच्या वस्तूंचा वापर वास्तूसाठी कसा करून घेता येईल याचा बारकाईने अभ्यास केला आहे. हे उपाय खर्चिकही नसतात, त्यामुळे कोणीही त्याचा सहज लाभ घेऊ शकतात. चला तर आपणही कोरफडीचे लाभ जाणून घेऊया.

नोकरीत प्रगतीसाठी 'या' दिशेला कोरफडीचे रोप लावा:

जर तुम्हाला तुमच्या नोकरीत अडचणी येत असतील आणि खूप मेहनत करूनही प्रगती होत नसेल तर घरी कोरफडीचे रोप लावा. हे घरामध्ये लावल्याने कुटुंबात सुख-समृद्धी येते आणि सकारात्मक ऊर्जेचा संचार वाढतो. त्याची लागवड पश्चिम दिशेला करणे उत्तम मानले जाते. असे केल्याने जीवनातील प्रगतीचे मार्ग खुले होतात.

प्रेम तसेच वैवाहिक जीवनातील अडचणींवर उपायासाठी :

जर तुम्ही वैवाहिक जीवनाबाबत असमाधानी असाल आणि तुमच्या जोडीदाराशी अनेकदा कोणत्या ना कोणत्या मुद्द्यावरून भांडण होत असेल, तर तुम्ही तुमच्या घराच्या पूर्व दिशेला कोरफडीची लागवड करावी. असे केल्याने आयुष्यात प्रेम वाढते आणि समस्या सुटू लागतात.

आर्थिक अडचणींचा सामना करत असाल तर :

जर तुमची आर्थिक स्थिती बऱ्याच काळापासून खराब असेल आणि तुमच्या घरात पैशाची समस्या कायम असेल तर तुम्ही तुमच्या घराच्या बागेत किंवा बाल्कनीमध्ये कोरफडीचे रोप लावा. ते लावल्याने नकारात्मकता दूर होते आणि अस्वस्थता असल्यास मन शांत होते. यासोबतच उत्पन्नाचे नवे मार्ग सापडतात.

चुकूनही या दिशेला कोरफडीचे रोप लावू नका

कोरफडीची रोप योग्य दिशेने लावणे जितके फायदेशीर आहे तितकेच ते चुकीच्या दिशेने लावल्याने त्याचे वाईट परिणामही होतात. वास्तूनुसार कोरफडीचे रोप उत्तर-पश्चिम दिशेला लावू नये. असे केल्याने तुम्हाला अशुभ परिणाम मिळू लागतात आणि तुमच्या घरातील समस्या कमी होण्याऐवजी वाढू लागतात. या दिशेने लावलेले रोप आजरांना आमंत्रण देते. यासाठी फार काही बदल नाही तर फक्त रोपाची दिशा चुकीची असल्यास ती बदलायची आहे, फरक अनुभवाल!