कोण आहे 'KGF 2' चा स्टायलिश व्हिलन Andrews? ज्याच्या स्टाइलचे फॅन झाले प्रेक्षक
By ऑनलाइन लोकमत | Published: April 22, 2022 01:51 PM2022-04-22T13:51:22+5:302022-04-22T14:02:32+5:30
KGF-2 Villain Andrews: अॅन्ड्र्यूज भूमिक कन्नड अभिनेता बी.एस.अविनाशने साकारली आहे. सिनेमातील अविनाशचा लूक कमाल झाला आहे. त्याच्या विटेंज लूकला प्रेक्षकांची पसंती मिळत आहे.
KGF-2 Villain Andrews: कन्नड सुपरस्टार यशचा KGF 2 सिनेमा बॉक्स ऑफिसवर कमाईचे रेकॉर्ड बनवत आहे. केजीएफ २ ने कमाईच्या बाबतीत 'बाहुबली' सिनेमालाही मागे टाकलं आहे. या सिनेमा केवळ एका आठवड्यात २५५ कोटी रूपयांचा बिझनेस केला आहे. आतापर्यंत या सिनेमाने वर्ल्डवाईट ७५० कोटींपेक्षा जास्त कमाई केली आहे. यातील सगळ्याच भूमिका प्रेक्षकांच्या पसंतीस उतरल्या आहेत. यशसोबतच संजय दत्तच्या अधीरालाही प्रेम मिळत आहे.
यांच्यासोबतच सिनेमात प्रकाश राज, श्रीनिधि शेट्टी, मालविका अविनाश सारख्या कलाकारांची मोठी फौज आपल्या दमदार अभिनयाने प्रेक्षकांचं मन जिंकत आहेत. यातील एक आहे केजीएफ २ मधील खतरनाक व्हिलन 'अॅन्ड्र्यूज'. अॅन्ड्र्यूज भूमिक कन्नड अभिनेता बी.एस.अविनाशने साकारली आहे. सिनेमातील अविनाशचा लूक कमाल झाला आहे. त्याच्या विटेंज लूकला प्रेक्षकांची पसंती मिळत आहे.
बी.एस अविनाशचा जन्म २९ ऑगस्ट १९७४ मध्ये कर्नाटकात झाला होता. त्याने म्हैसूर यूनिव्हर्सिटीमधून शिक्षण घेतलं. अविनाशला बालपणापासूनच अभिनयाची आवड होती. त्याने त्याने कॉलेजमध्ये थिएटर जॉइन केलं होतं. पण वडिलांच्या मृत्यूनंतर तो त्यांचा बिझनेस सांभाळू लागला होता. बिझनेस आणि परिवाराच्या जबाबदारीमुळे त्याला त्याचं अभिनयाचं स्वप्न सोडावं लागलं. अखेर आता आपल्या परिवाराच्या जबाबदाऱ्या पार पाडल्यानंतर २०१४ मध्ये अविनाशची भेट अभिनेता चिरंजीवी सरजासोबत झाली. त्यांनीच त्याला अभिनयासाठी गाइड केलं.
अविनाशने बऱ्याच कन्नडा सिनेमात काम केलं आहे. केजीएफ १ मध्ये काम करण्याआधी अविनाशने काही वर्कशॉप केले होते. त्यानंतर त्याने अॅन्ड्र्यूजच्या भूमिकेसाठी ऑडिशन दिली आणि त्यासाठी तो सिलेक्टही झाला. अविनाशने सांगितलं की, मेकर्सना KGF 2 च्या पूर्ण कास्टिंगसाठी साधारण २ वर्ष वेळ लागला होता.
बी.एस. अविनाश केवळ सिनेमातच नाही तर रिअल लाइफमध्येही फार स्टायलिश आहे. अविनाशला फिटनेसची फार आवड आहे. तो जिममध्ये दररोज तासंतास एक्सरसाइज करतो. ४८ वयातही तो पूर्णपणे फिट आहे आणि सिनेमातील हिरोलाही टक्कर देऊ शकतो. अविनाशला रनिंगची फार आवड आहे.
अविनाशला टॅटूची फार आवड आहे. त्याच्या दोन्ही हातांवर टॅटू आहे. त्याच्या बायसेप्सवर भगवान शिवाचा टॅटू आहे. अविनाशला फिटनेस आणि टॅटूचीच नाही तर लक्झरी बाइक्सचीही खूप आवड आहे. त्याच्याकडे एक हार्ले डेविडसन लक्झरी बाइक आहे, ज्याची किंमत १० लाख रूपये आहे. त्यासोबतच अविनाशकडे डॉगी आहेत.
कन्नड अभिनेता बी.एस.अविनाशच्या पत्नीचं नाव गीता अविनाश आहे. या कपलला १९ वर्षांचा एक मुलगा आहे. ज्याचं नाव अकुल आहे. अविनाश आता लवकरच Shokiwala, Gandhada Gudi, Lucky Man आणि Love Mocktail 2 या कन्नड सिनेमात दिसणार आहे.