Adani समुहाची मोठी झेप; १०० अब्ज डॉलर्सची मार्केट कॅप झालेली ठरली देशातील तिसरी कंपनी

यापूर्वी १०० अब्ज डॉलर्सच्या वर मार्केट कॅप असलेल्या टाटा आणि रिलायन्स समुहाच्याच कंपन्या आहेत.

अदानी समुह भारतातील तिसरी अशी सर्वात मोठी कंपनी ठरली आहे ज्याचं मार्केट कॅप १०० अब्ज डॉलर्सच्या पुढे पोहोचलं आहे.

मंगळवारी अदानी समुहाच्या ६ पैकी ४ शेअर्समध्ये तेजी दिसून आली. मुंबई शेअर बाजारानुसार अदानी समुहाचं एकूण मार्केट कॅप १०४ अब्ज डॉलर्सपेक्षा अधिक झालं आहे.

सध्या अदानी समुहाच्या पुढे दोन दिग्गज कंपन्या आहेत. त्यापैकी एक म्हणजे रिलायन्स समुह आणि दुसरी म्हणजे टाटा समूह.

मंगळवारी अदानी एन्टरप्राईजेसचा शेअर ५.६ टक्क्यांनी वधारून १२०२ रूपयांवर पोहोचला. तर अदानी गॅसच्या शेअर्समध्ये ६ टक्क्यांची वाढ होऊन तो विक्रमी १२४८ रूपयांवर गेला.

अदानी ट्रान्समिशनच्या शेअर्समध्येही पाच टक्क्यांची वाढ होऊन तो ११४७ रूपयांवर तर अदानी पोर्ट्सच्या शेअर्समध्येही ४ टक्क्यांची वाढ होऊन तो आतापर्यंतच्या विक्रमी स्तरावर पोहोचला.

याशिवाय अदानी पॉवरच्या शेअर्समध्ये ५ टक्क्यांची वाढ होऊन तो ९८.४० रूपयांवर तर ग्रीन एनर्जीमध्ये २.३ टक्क्यांची वाढ होऊन तो ११९४ रूपयांवर पोहोचला.

अदानी समुहाच्या आधी केवल मुकेश अंबानी यांची रिलायन्स इंडस्ट्रीज १०० अब्ज डॉलर्सच्या पुढे पोहोचू शकली आहे.

सध्या टाटा समूहाचं सध्याचं मार्केट कॅप २४२ अब्ज डॉलर्स आणि रिलायन्सचं मार्केट कॅप १९० अब्ज डॉलर्सचं आहे. सध्या अदानी समुहही १०० अब्ज डॉलर्सच्या मार्केट कॅपवर पोहोचला आहे.

गेल्या एका वर्षभरात अदानी समुहाच्या सर्वच ६ लिस्टेड कंपन्यांनी गुंतवणूकदारांना उत्तम रिटर्न्स दिले होतं. अदानी समुहाच्या पाच कंप्यांचं मार्केट कॅप १ ट्रिलिअनपेक्षा अधिक आहे. तर अदानी पॉवर लिमिटेडची एकूण संपत्ती ३८ हजार कोटी रूपयांची आहे.

अदानी समुहाच्या पाच कंपन्या अदानी एन्टरप्राईजेस, अदानी ग्रीन एनर्जी, अदानी ट्रान्समिशन, अदानी पॉवर आणि अदानी टोटल गॅस लिमिटेडचा कोणत्याही विश्लेषकाशी कोणतंही कव्हरेज नाही.