घर खरेदी करताना 'या' सहा चुका कधीही करू नका, अन्यथा...

Home : जर तुम्हाला अतिरिक्त शुल्कांची माहिती नसेल तर तुमच्या स्वप्नातील घर खरेदी करणे तुमच्या अपेक्षेपेक्षा जास्त महाग असू शकते.

रिझर्व्ह बँकेने व्याजदरात वाढ केल्यानंतर बँकांनीही कर्जाच्या व्याजदरात वाढ केली आहे. अशा परिस्थितीत कर्जावर घर घेणे लोकांना महाग झाले आहे. जर तुम्ही मेट्रो किंवा इतर शहरांमध्ये तुमचे स्वप्नातील घर खरेदी करण्याचा विचार करत असाल, तर तुम्ही काही चुका करणे टाळले पाहिजे. याबद्दल जाणून घेऊया...

एकूण रक्कम कॅलक्युलेट करा

जर तुम्हाला अतिरिक्त शुल्कांची माहिती नसेल तर तुमच्या स्वप्नातील घर खरेदी करणे तुमच्या अपेक्षेपेक्षा जास्त महाग असू शकते. घर खरेदीवर स्वतंत्र जीएसटी शुल्क, नोंदणी शुल्क, मुद्रांक शुल्क, ब्रोकरेज, फर्निशिंग आणि इतर शुल्क आकारले जाऊ शकतात. अशा परिस्थितीत, जेव्हा तुम्ही मालमत्तेत पैसे गुंतवणार असाल तेव्हा पहिल्यांदा सर्व एकूण रक्कम कॅलक्युलेट करा.

घाईत निर्णय घेणे पडेल महागात

तज्ज्ञ सल्ला देतात की, जर तुम्ही तुमचे स्वप्नातील घर खरेदी करण्याचा विचार करत असाल, तर तुम्ही एकपेक्षा किमान 10 मालमत्ता तपासा आणि त्यांची तुलना करा. तसेच, फुकटच्या आणि लोभस ऑफरच्या फंदात पडू नका, कारण तुम्ही फसवणुकीला बळी पडू शकता, असे तज्ज्ञांचे मत आहे.

सुविधांची चौकशी करा

लोकांना सल्ला दिला जातो की, जर तुम्ही घर खरेदी करायला गेलात तर तुम्हाला घराच्या चार भिंतींबद्दलच माहिती नाही तर इतर काही सुविधा- खात्री, विश्रांती, गरजेच्या गोष्टी, पुरेशी खोली आणि इतर गोष्टी तपासल्या पाहिजेत. तसेच, आपल्याकडे पार्किंगसाठी पुरेशी जागा आहे की नाही, हे देखील जाणून घेतले पाहिजे.

होमवर्क आणि रिसर्च आवश्य करा

जर तुम्ही घर खरेदी करणार असाल तर पर्सनल रिसर्च (वैयक्तिक संशोधन) करणे अत्यंत आवश्यक आहे. तसेच तुम्ही होमवर्क सुद्धा करावा. तुम्ही हे काम किंमत आणि स्थानासह सुरू करू शकता. मग आपल्याला किती जागा आवश्यक आहे, हे माहित असणे आवश्यक आहे. आपण विक्रेता किंवा बिल्डर कोण आहेत, त्यांचे ट्रॅक रेकॉर्ड कसे राहिले आहे, हे पाहिले पाहिजेत.

क्रेडिट स्कोअरसंदर्भात जाणून घ्या...

तुम्ही घर खरेदी करण्यासाठी कर्जासाठी अर्ज केल्यास, कर्ज देणारी बँक किंवा संस्था तुमच्या क्रेडिट हिस्ट्रीची चौकशी करेल. तुमच्या क्रेडिट हिस्ट्रीतील कोणतीही समस्या तुमचा कर्ज अर्ज नाकारण्यास कारणीभूत ठरू शकते. त्यामुळे कर्जासाठी अर्ज करण्यापूर्वी तुमचा क्रेडिट स्कोअर ऑनलाइन तपासणे महत्त्वाचे आहे.

गृहकर्ज घेताना या गोष्टीकडे लक्ष द्या...

हे लक्षात घेण्यासारखे आहे की, जास्त किमतीच्या कर्जासाठी 75 टक्के किंवा कमी किमतीच्या कर्जासाठी 90 टक्के निधी दिला जाईल. बाकी तुम्हाला देण्याची आवश्यकता आहे. म्हणूनच, बहुतेक प्रकरणांमध्ये, तुम्हाला बजेटच्या किमान 20-25 टक्के रक्कम रोख स्वरूपात तयार ठेवावी लागते.