आनंदाची बातमी! नव्या वर्षात 'या' बँकेने ग्राहकांना दिली भेट, कर्ज केले स्वस्त
By ऑनलाइन लोकमत | Published: January 3, 2024 05:03 PM2024-01-03T17:03:14+5:302024-01-03T17:11:19+5:30
देशातील काही बँकांनी कर्जाचे व्याजदर कमी केले आहेत.
गेल्या वर्षी रिझर्व्ह बँकेने रेपो दरात वाढ केल्यामुळे बँकांनी कर्जाचे व्याजदर वाढवले होते. व्याजदारात बँका वेळोवेळी बदल करत असतात.
आज बँक ऑफ महाराष्ट्रने गृहकर्जाच्या व्याजदरात सुधारणा केली आहे. बँकेने गृहकर्जाचे दर कमी केले. म्हणजेच बँकेने ग्राहकांना नवीन वर्षाची भेट दिली आहे.
आज बँकेने सांगितले की, त्यांनी गृहकर्जाचे दर १५ bpc ने ८.३५ टक्क्यांनी कमी केले आहेत. बँकेने आपल्या निवेदनात म्हटले आहे की गृहकर्जावरील प्रक्रिया शुल्क देखील माफ करण्यात आले आहे.
ग्राहकांना कमी व्याजदर आणि गृहकर्जावरील प्रक्रिया शुल्क माफीचा दुहेरी फायदा होईल, असे बँकेने म्हटले आहे.
बँकेच्या या निर्णयानंतर मौल्यवान ग्राहकांना मोठी सुविधा मिळणार आहे. ग्राहकांमध्ये आनंद आणण्यासाठी बँक किरकोळ कर्ज स्वस्त करत आहे.
ही ऑफर देऊन बँक गृहकर्जासाठी बँकिंग उद्योगातील सर्वात कमी व्याजदरांपैकी एक ऑफर करत आहे.
बँकेने आपल्या 'न्यू इयर धमाका ऑफर' अंतर्गत घर, कार आणि किरकोळ सोने कर्जासाठी प्रक्रिया शुल्क आधीच माफ केले आहे.