'या' कंपनीचे प्लॅन्स दिग्गज कंपन्यांना देणार टक्कर; रोज मिळणार 5GB पर्यंत डेटा आणि अन्य बेनिफिट्स

सध्या सर्वच कंपन्या नव्या ग्राहकांना आपल्याकडे आकर्षित करण्यासाठी तसंच ग्राहकांना टिकवण्यासाठी नवनव्या ऑफर्स आणत आहेत.

सरकारी दूरसंचार कंपनी BSNL आपल्या प्रीपेड प्लॅन्ससह रिलायन्स जिओ (Reliance Jio), व्होडाफोन आयडिया (Vodafone-Idea) आणि एअरटेल (Airtel) सारख्या दिग्गज कंपन्यांना जबरदस्त स्पर्धा देत आहे. बीएसएनएलचेही असे प्लान आहेत, ज्यामध्ये तुम्हाला दररोज 5 जीबीपर्यंत डेटा मिळेल.

आम्ही तुम्हाला बीएसएनएलच्या अशाच काही जबरदस्त प्लॅनबद्दल सांगत आहोत. यामध्ये, बंपर डेटा व्यतिरिक्त, तुम्हाला अमर्यादित कॉलिंग, मोफत एसएमएस आणि अनेक अतिरिक्त फायदे देखील दिले जात आहेत.

BSNL च्या 185 रुपयांच्या प्लॅनमध्ये (STV_185), तुम्हाला 28 दिवसांची वैधता मिळेल. या प्लॅनमध्ये तुम्हाला दररोज 1 GB डेटा देण्यात येतो. याशिवाय दररोज 100 मोफत एसएमएस ऑफर केले जातात. तसंच यात अनलिमिटेड कॉलिंगचाही लाभ देण्यात येतो. कंपनीचा 298 रुपयांचा प्लॅन (STV_298) सुद्धा या सारख्याच बेनिफिट्ससह येतो, परंतु त्याची वैधता 56 दिवसांची आहे.

कंपनी 187 रुपयांचा व्हॉईस प्लान ऑफर करत आहे. Voice_187 असे या प्लॅनचे नाव आहे. यामध्ये तुम्हाला दररोज 2 जीबी डेटा आणि 100 मोफत एसएमएससह 28 दिवसांची वैधता मिळेल. प्लॅनमध्ये, कंपनी देशभरातील सर्व नेटवर्कसाठी अमर्यादित कॉलिंगदेखील देण्यात येत आहे.

कंपनीच्या 347 रुपयांच्या स्पेशल टॅरिफ व्हाउचरमध्ये तुम्हाला दररोज 2 GB डेटा, अमर्यादित कॉलिंग आणि 56 दिवसांच्या वैधतेसह दररोज 100 मोफत एसएमएस मिळतात.

कंपनी 299 रुपयांच्या प्लॅनमध्ये (STV_299) दररोज 3GB डेटा देत आहे. या प्लॅनमध्ये, कंपनी 30 दिवसांच्या वैधतेसह दररोज 100 मोफत एसएमएस आणि अमर्यादित व्हॉइस कॉलिंग ऑफर करत आहे.

त्याचप्रमाणे, 247 रुपयांच्या STV मध्ये तुम्ही दैनंदिन मर्यादेशिवाय 50 GB डेटा, अमर्यादित कॉलिंग आणि 100 मोफत एसएमएस देत देण्यात येतात. प्लॅनमध्ये ग्राहकांना Eros Now आणि BSNL Tune चे सबस्क्रिप्शनही देण्यात येतंय.

BSNL च्या 499 रुपयांच्या स्पेशल टेरिफ व्हाउचरमध्ये, कोणत्याही नेटवर्कवर अमर्यादित कॉलिंग आणि दररोज 2 GB डेटासह 100 मोफत एसएमएस दिले जात आहेत. या प्लॅनची ​​वैधता ९० दिवसांची आहे.

तर दुसरीकडे जर तुम्हाला दररोज 5 जीबी डेटा हवा असेल तर तुम्हाला 599 रुपयांच्या प्लॅनसह रिचार्ज करावे लागेल. या प्लॅनमध्ये तुम्हाला रात्री 12 ते पहाटे 5 वाजेपर्यंत अमर्यादित मोफत नाईट डेटा देखील मिळतो. प्लॅनमध्ये दररोज 100 मोफत एसएमएससह अमर्यादित कॉलिंग देखील दिले जात आहे.