गौतम अदानींचेही झालेले अपहरण; दोनदा जिवावर बेतलेले, दहशतवादी हल्ल्यातून वाचले

अनेकांना अदानी हे अब्जाधीश आहेत, काही दिवसांपूर्वी ते बारामतीला देखील आले होते, आदी गोष्टी माहिती आहेत. परंतू, अदानींचे प्राण वाचविले तेव्हा नेमके काय झालेले, हल्ला झालेला की अपहरण झालेले या गोष्टी माहिती नाहीत.

अब्जाधीश उद्योगपती गौतम अदानी यांचे नाव पुन्हा एकदा चर्चेत आले आहे. अग्निपथ योजना याला कारण ठरली आहे. उद्योजक आनंद महिंद्रा यांनी अग्निवीरांना नोकरी देण्याची घोषणा केली होती. यावर एका माजी जवानाने मला नोकरी मिळेल का? असा सवाल त्यांना केला होता. मी अदानींचे प्राण वाचविले होते, परंतू गेली १५ वर्षे मी बेरोजगार आहे, असेही या जवानाने म्हटले होते.

अनेकांना अदानी हे अब्जाधीश आहेत, काही दिवसांपूर्वी ते बारामतीला देखील आले होते, आदी गोष्टी माहिती आहेत. परंतू, अदानींचे प्राण वाचविले तेव्हा नेमके काय झालेले, हल्ला झालेला की अपहरण झालेले या गोष्टी माहिती नाहीत.

अदानी आज ६० वर्षांचे झाले. अदानी साधेपणाने आपला वाढदिवस साजरा करतात. तसेच मोठ्या तामझामपासून दूर असतात. गेल्या दोन दशकांत अदानींनी आपला उद्योग जगभरात पोहोचविला आहे. अदानी राजकारणापासूनही दूर असतात.

राजकारणात सर्वच पक्षांत माझे मित्र आहेत, परंतू त्यांच्याशी मी कधीही राजकीय चर्चा करत नाही. आम्ही केवळ विकासाशी संबंधीत गोष्टींवर चर्चा करतो, असे अदानी म्हणाले होते.

अशा या गौतम अदानींच्या दोनवेळा जिवावर बेतले होते. नव्वदीच्या दशकात अदानींचे अपहरण झाले होते. पैशांसाठी त्यांचे अपहरण करण्यात आल्याचे सांगितले जाते. यामुळे त्यांची सुरक्षा आता खूप कडक करण्यात आली आहे. १९९७ मध्ये या घटनेने सर्व यंत्रणा हादरल्या होत्या.

एका स्थानिक गुंडांच्या टोळीने त्यांचे अपहरण केले होते, नंतर त्यांची सुटका करण्यात आली. ही सुटका कशी झाली, अपहरण कशासाठी केले गेले याची अधिक माहिती उपलब्ध नाहीय.

आणखी एका घटनेत म्हणजे २६ नोव्हेंबर २००८ मध्ये ताज हॉटेलवर दहशतवादी हल्ला झाला होता. तेव्हा अदानी तिथे जेवणासाठी गेले होते. ताज ह़ॉटेलमधून बाहेर काढण्यात आलेल्या शेवटच्या लोकांमध्ये अदानी देखील होते.

अदानी यांनी पैशांच्या चढ-उतारावरून म्हटले आहे की, मी पैसे येतात, जातात हे पाहिले आहे. जेव्हा पैसा येतो तेव्हा जादा खूश व्हायची गरज नाही किंवा गेला म्हणून वाईटही वाटून घेऊ नये. आपल्या हातात जे नाही त्याची चिंता करत राहू नये. नियती सारे ठरवेल.